آوروپا بیرلیگی روسیایا قارشی یئنی تحریم لر پاکتی قبول ائتمهیه حاضیرلاشیر
آوروپا بیرلیگینین روسیایا قارشی یئنی تحریم لر پاکتی 200-دن چوخ فیزیکی و حقوقی شخصی احاته ائدهجک.
![آوروپا بیرلیگی روسیایا قارشی یئنی تحریم لر پاکتی قبول ائتمهیه حاضیرلاشیر](http://cdn.trt.net.tr/images/xlarge/rectangle/f9aa/6599/db71/5763f8afd084f.jpg?time=1722046603)
آوروپا بیرلیگی اوکراینایا کؤمک ائتمکله یاناشی، فوریهنین 24-ده روسیایا قارشی 13-جو تحریم پاکتینی ده آکتیولشدیرمگی پلانلاشدیریر".
بونو بلژیک-ین خاریجی ایشلر ناظیری حاجه لهبیب دئییب.
بلژیک-لی ناظیر وورغولاییب کی، اوکراینایا بیر میلیون 155 میللیمترلیک گولله تداروک ائتمک عهده لیگینی یئرینه یئتیرمک اوچون کیئوه دؤیوش تجهیزاتی و راکتلرین تداروکو سرعتلندیریلمهلیدیر.
"حاضیردا بو مقصده چاتماقدان اوزاغیق. حسابلامالارا گؤره، مارس آیینا قدر تخمینن 524 مین گولله گؤندریلهجک کی، بو دا هدفیمیزدن خیلی آشاغیدیر. بیز علاوه آددیملار آتمالی و تولیدی آرتیرمالیییق" -دئیه ناظیر قئید ائدیب.
" پولیتیکو"نون معلوماتینا گؤره، 13-جو تحریم پاکتی ایله تطبیق ائدیلهجک محدودیتلر روس دیپلوماتلارینا تأثیر ائده بیلر. دیپلوماتلارین آوروپا بیرلیگینده آکردیته اولوندوغو اؤلکهدن چیخیشینا قاداغا قویولا بیلر.
12-جی تحریم پاکتی دسامبرین 18-ده اعلان ائدیلیب. پاکت روسیادان بیرباشا و یا دولایی یوللا الماس وارداتینی، همچنین ایکیلی ایستیفادهلی ماللارین، مایع لشدیریلمیش پروپان، میس و آلومینیوم مفتیل، لیتیوم باطری لری، هابئله اینسانسیز هاوا آراج لارینین پارچالارینین روسیایا ساتیشینی قاداغان ائدیردی.
یئنی تحریم پاکتینین قبولو اوچون بوتون آوروپا بیرلیگی اؤلکهلرینین سس بیرلیگی طلب اولونور.