روسیه: واشینگتونون جاواب وئرمسینین واختیدیر
ماریا زاخارووا: آمریکا بیرلشمیش دؤولتلری بیر چوخ اؤلکه و خالقلارا قارشی تؤرتدییی "دهشتلی جینایتلره" گؤره جاواب وئرملیدیر
روسیه بیان ائدیب کی، آمریکا بیرلشمیش دؤولتلری بیر چوخ اؤلکه و خالقلارا قارشی تؤرتدییی "دهشتلی جینایتلره" گؤره جاواب وئرملیدیر.
خاریجی ایشلر ناظیرلییینین سؤزچوسو، ماریا زاخارووا پایتاخت موسکودا کئچیردییی هفتهلیک مطبوعات کنفرانسیندا جاری مسئلهلرله باغلی آچیقلاما وئریب.
کئچن هفته اردن-سوریه سرحدیندهکی حربی مرکزده آمریکالی عسگرلرین اؤلدورولمهسی ایله باغلی سووالی جاوابلاندیران زاخارووا، آمریکا پرزیدنتی جو بایدن-ین بو هوجوما جاواب وئرجکلری بارده آچیقلاما وئردییینه دیققت چکیب و دئییب:
"منجه، بایدن جوملهسینی سونا چاتتیرمادی. واشینگتون تؤرتدییی جینایتلره گؤره خالق قارشیسیندا جاواب وئرملیدیر. ندنسه بایدن بیر چوخ اؤلکه و خالقلارا قارشی دهشتلی جینایتلر و قانونسوز حرکتلرینه گؤره قانون قارشیسیندا جاواب وئرمیر. واشینگتونون تؤرتدییی جینایتلره گؤره جاواب وئرمسینین واختیدیر. آنجاق گوجله جاواب وئرمهیی بیلیرلر. بو، وضعییتین حللیندن چوخ گرگینلشمسینه سبب اولور."
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.