بورل‌دن قیزیل دنیزده‌کی عسگری گؤرو اوچون یئنی تاریخ

اوروپا بیرلیگینین خاریجی علاقه‌لر و تهلوکه‌سیزلیک سییاستی اوزره عالی نوماینده‌سی جوزپ بورل، اوروپا بیرلیگینین یمن‌ده ایرانین دستکلدییی حوثیلرین هوجوملارینا قارشی موباریزه گؤروینین 19 فوریه‌دن اعتیبارن فعالییته باشلایاجاقینی بیلدیریب.

اوروپا بیرلیگینین عالی نوماینده‌سی بورل اوروپا بیرلیگینین ساوونما ناظیرلری ایله گؤروشدن سونرا تشکیل ائدیلن مطبوعات کنفرانسیندا قیزیل دنیزده خیدمت ائده‌جک "آسپیدس" آدلی اوروپا بیرلیگی گؤروی ایله باغلی دئتایللاری پایلاشیب.

"قورویوجو" معناسینی وئرن آسپیدس گؤروینین یالنیز تیجارت گمیلرینی قوروماق مقصدی داشیدیغینی وورغولایان بورل بونون بیر ساوونما گؤروی اولاجاغینی قئید ائتدی.

گؤروین هئچ بیر هوجوم حرکتی ائتمیه‌جیینی وورغولایان بورل، گؤرو چرچیوسینده دونانما گمیلری و اوچاقلاریندان ایستیفاده ائدیله‌جیینی بیلدیریب.

جوزپ بورل، گؤروده اوروپا بیرلیگینه عضو اولان دؤولتلرین هامیسی ایشتیراک ائتمیه‌جیینی بیلدیریب، "هدفیمیز ان گئجی 19 فوریه‌ده آسپیدس گؤروینی قورماق و ایشه باشلاماقدیر. اومید ائدیرم و امینم کی، بو باش وئره‌جک. عضو دؤولتلر بو مسئله‌ده قتییتلیدیرلر". قییمتلندیرمسینی ائدیب.