آمریکا: ایرانلا ساواش نیتینده دئییلیک
جان کربی، باشقان جو بایدنین سؤزو گئدن سالدیرییا "اویغون قارشیلیغی" وئرمکده قرارلی اولدوغونو وورغولارکن، "ایرانلا بیر ساواش نیتینده دئییلیک" ایفادهسینی ایشلتدی
آمریکا یؤنهتیمی، سوریه-اردن سرحدیندهکی حربی مرکزه ۳ عسگرینین اؤلدورولدوگو سالدیریدان سونرا، ایرانلا بیر ساواش نیتینده اولمادیقلارینی ایفاده ائتدی.
آغ ائو میللی گۆونلیک شوراسی استراتژیک ارتباط مسئولو جان کربی، گونلوک مطبوعات ببیلگیلندیرمه توپلانتیسیندا آمریکا حربی مرکزینه قارشی سالدیریدان سونرا گلیشمهلری بیلدیردی.
جان کربی، باشقان جو بایدنین سؤزو گئدن سالدیرییا "اویغون قارشیلیغی" وئرمکده قرارلی اولدوغونو وورغولارکن، "ایرانلا بیر ساواش نیتینده دئییلیک، رژیمله عسگری بیر چاتیشما آرخاسیندا دئییلیک" ایفادهسینی ایشلتدی.
بؤلگهده گرگینلیگی آرتیرما آماجیندا اولمادیقلارینی بیلدیرن کربی، هفته سونو گئرچکلشن سالدیرینین ایسه گرگینلیگی آرتیریجی بیر سالدیری اولدوغونو و قارشیلیق وئرمهلری لازیم اولدوغونو ایفاده ائتدی.
کربی، سالدیرییا نه شکیلده جاواب وئرهجکلری و بونلارین یئری و زامانی قونوسوندا ایسه بوتون آیرینتیلارین اؤز عهدهلرینده اولدوغونو، گئرچکلشدیگینده هر کسین بونو گؤرهجگینی دیله گتیردی.
خاریجی ایشلر باخانی آنتونی بلینکن ده، آمریکا حربی مرکزینه تشکیل ائدیلهن سالدیری ایله باغلی،
"بیز (بو سالدیرییا) قارشیلیق وئرجییک و بو قارشیلیق چوخ قاتمانلی/آشامالی اولاجاق، مرحلهلر حالیندا و اوزون سۆرهلی شکیلده اولاجاق" دئدی.
ناتو باش کاتیبی ینس استولتنبرگ ایله واشینگتندا اورتاق مطبوعات کنفرانسی تشکیل ائدن باخان بلینکن،
"بیز (بو سالدیرییا) جاواب وئرجییک و بو قارشیلیق چوخ قاتمانلی اولاجاق، مرحلهلر حالیندا و اوزون سۆرهلی شکیلده اولاجاق" شکلینده جاواب وئردی.
جو بایدن، سیراغا گون،
"اردنون قوزئی دوغوسوندا، سوریه سرحدی یاخینیندا اولان گۆجلریمیزه تشکیل ائدیلهن اینسانسیز هاوا آراجی سالدیریسیندا ۳ عسگر اؤلدورولدو، چوخ ساییدا دا یارالی وار" ایفادهسینی ایشلتمیشدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.