فرانسه اونروایا مالی یاردیمینی دایاندیریب
فرانسه: ایسرائیل رسمیلرینین 7 اوکتبردا اونروانین بعضی ایشچیلرینین حماسا دستک وئردیگینی ادیعا ائتمسیندن سونرا بیرلشمیش میللتلر تشکیلاتینا یاردیمین دایاندیریلدیغی بیلدیریلیب
فرانسهنین بیرلشمیش میللتلر تشکیلاتینین یاخین شرقدهکی فیلیسطینلی قاچقینلارا یاردیم و باییندیرلیق آژانسینا (اونروا) مالی دستگینی دایاندیردیغی بیلدیریلیر.
فرانسه خاریجی ایشلر باخانلیغیندان وئریلن آچیقلامادا، ایسرائیل رسمیلرینین 7 اوکتبردا اونروانین بعضی ایشچیلرینین حماسا دستک وئردیگینی ادیعا ائتمسیندن سونرا بیرلشمیش میللتلر تشکیلاتینا یاردیمین دایاندیریلدیغی بیلدیریلیب.
آچیقلامادا فرانسهنین 2024 ایلینینین بیرینجی روبعوندا اونروایا یئنی مالی دستگی وئرمک پلانینین اولمادیغی بیلدیریلیب.
آچیقلامادا، ایسرایلین بعضی اونروا ایشچیلرینین 7 اوکتبردا حماسا دستک وئردیگی ادیعاسی "سون درجه جیددی" اولاراق قییمتلندیریلیر و بو بارهده آپاریلان آراشدیرمانین ادیعالارا آیدینلیق گتیرمسینین و آراشدیرمالار ایله علاقهدار اولاراق گئرچک آددیملارین آتیلاجاغی گؤزلنیلدیگی بیلدیریلیب.
آچیقلامادا، فرانسهنین 2023 ایلینده اونروایا 60 میلیون یورو هیبه وئردیگیی و بو مؤوضودا آتیلاجاق آددیملارین "یاردیم ایله باغلی بوتون تهلوکهسیزلیک و شفّافلیق ایستکلرینین یئرینه یئتیریلدیگینه امین اولوندوغو" بیرلشمیش میلّتلر تشکیلاتی و باغیشچیلار ایله بیرلیکده قرارلاشدیریلاجاغی، ایفاده ائدیلدی.