عبدالملک الحوثی: "امریکا غذا و داوا یاردیمینین غزه-یه چاتماسینا مانع اولور"
حوثی لرین لیدری اونلارا عایید " المسیره" کانالیندا چیخیش ائدیب.
یمن-ده ایرانین دستکلهدیگی حوثی لرین لیدری عبدالملک الحوثی امریکانین غذا و داوا یاردیمینین غزه زولاغینا چاتماسینین قارشیسینی آلدیغینی، لاکین محصوللارلا دولو گمیلرین ایسراییله چاتماسی اوچون موباریزه آپاردیغینی بیلدیریب.
حوثی لرین لیدری اونلارا عایید " المسیره" کانالیندا چیخیش ائدیب.
"امریکا ماللارلا دولو گمیلرین ایسراییله چاتماسی اوچون موباریزه آپاریر، لاکین غذا و داوالارین غزه-یه چاتماسینا مانع اولور" دئیه بیلدیرن الحوثی رهبرلیک ائتدیگی قروپلاشمانین هوجوملاریندا "200-دن چوخ اینسانسیز هاوا آراجی و 50 بالستیک و قانادلی راکتدن ایستیفاده ائتدیگینی" سؤیلهییب.
"یاردیم غزه-یه چاتانا و بؤلگهده آتشکس الده اولونانا قدر" قیرمیزی دنیزدهکی فعالیتلرینی داوام ائتدیرهجکلرینی قئید ائدن الحوثی فیلیسطین خالقینا ارزاق چاتدیرماق اوچون ایسراییله مخصوص گمیلری هدف آلدیقلارینی مدافعه ائدیب.
مقصدلرینین غزه-ده فیلیسطین خالقینا داوا و غذا چاتدیریلماسینا تضییق گؤسترمک و ایسراییلین جینایتلرینین قارشیسینی آلماق اولدوغونو بیلدیرن الحوثی قیرمیزی دنیزده ایسراییل ایله علاقهسی اولمایان گمیلره ائدیلن هوجوملارین تأثیرلری حاقیندا بئله دئییب: "قیرمیزی دنیزده عملیاتلاریمیز باشلادیغی گوندن بو یانا 4 مین 874 تیجاری گمی کئچدی؛ بو، بو دؤورده چوخ بؤیوک رقمدیر".
الحوثی امریکا و اینگیلترهنین حیاتا کئچیردیگی هوجوملارین قرارلارینا و موضع لرینه تأثیر ائتمهیهجگینی وورغولاییب.
قئید ائدک کی، اوکتبرین 31-ده حوثی لر ایسراییلین غزه-یه هوجوملارینا رئاکسیا اولاراق یمن ساحللرینده ایسراییل شیرکتلرینه باغلی اولدوقلارینی بیلدیردیکلری تیجارت گمیلرینی اله کئچیرمهیه و بعضیلرینه اینسانسیز هاوا آراج لاری و راکتلرله هوجوم ائتمهیه باشلاییبلار.
امریکا قوهلری بو مدت عرضینده دفعهلرله یمندن آتیلان راکتلری و کامیکازه پهپادلاری ووردوقلارینی آچیقلاییب.
حوثی لرین حرکتلریندن سونرا بیر چوخ گمیچیلیک شیرکتی قیرمیزی دنیزدهکی سفرلرینی دایاندیرماق قرارینا گلیب.
قلوبال تیجارتین تخمینن 12 فایزی آغ دنیزینی قیرمیزی دنیزه بیرلشدیرن و آوروپا ایله آسیا آراسیندا ان قیسا مسیری تکلیف ائدن سوئز کانالی واسیطهسیله حیاتا کئچیریلیر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.