داووس اقتصادی فورومو ایشه باشلاییب
سوئیس-ین داووس شهرینده کئچیریلن 54-جو دونیا اقتصادی فورومو (WEF) اؤز ایشینه باشلاییب.
سوئیس-ین داووس شهرینده کئچیریلن 54-جو دونیا اقتصادی فورومو (WEF) اؤز ایشینه باشلاییب.
دونیانین ان وارلی، مشهور و ایش دونیاسینین لیدرلرینین قاتیلدیغی دونیا اقتصادی فورومونون بوایلکی ایجلاسینین اساس مؤوضوعسو "گووهنین برپاسی" اساس مؤوضوعسو ایله کئچیریلهجک.
جاری ایل 54-جو دفعه کئچیریلن ایجلاسا 120 اؤلکهدن 2800-دن چوخ ایش آدامی، سیاستچی، آکادمیک و غیری-حکومت تشکیلاتلارینین نومایندهلری ایشتیراک ائدهجک. ایجلاسدا قلوبال پروبلئملرین موذاکیرهسی اوچون 300-دن چوخ اوتوروم باش توتاجاق.
ایش دونیاسی لیدرلری گونون ان گونجل پروبلئملری اطرافیندا محصولدار موذاکیرهلر آپارماق و نتیجهده تأثیر یاراتماق مؤوضوعسوندا نظرده توتولموش اوتوروم لاردا ایشتیراک ائتمک اوچون ایجلاسدا توپلاشیرلار.
فورومون گوندهلیگینه بیر نئچه اساس مؤوضوع داخیلدیر. بونلاردان بیرینجیسی، پارچالانمیش دونیادا تهلوکهسیزلیک و امکداشلیغا نایل اولماقدیر. ایکینجیسی، یئنی دؤور اوچون ایش یئرلرینین یارادیلماسی. اوچونجو مؤوضوع معاصر اقتصادیات و جمعیتده مصنوعی ذکانین رولونا حصر اولونوب.
بوندان علاوه، انرژی دونوشومو، مصنوعی ذکا، موختلیف اؤلکهلرده کئچیریلهجک سئچکیلر، مومکون اپیدمیلر و سیبرهوجوملار کیمی مؤوضوع لار ایجلاسدا مهم مؤوضوع لار آراسیندا اولاجاق.
ژانویهنین 19-دک داوام ائدهجک گؤروشلرده اینسانی ایقلیم، سوسیال و اقتصادی چاغیریشلارلا موباریزهده بیرگه اولوسلار آراسی فعالیتین واجیبلیگینی وورغولاماق اوچون "گووهنین برپاسی"نین ضروریلیگی موذاکیره اولوناجاق.
روسیا-اوکراینا محاربهسی، ایسراییل-حماس موناقیشهسی و قیرمیزی دنیزدهکی سلاحلی موناقیشهلر سون ایللرده بوتون دونیادا ژئوسیاسی ریسکلری آرتیرسا دا، داووس-دا بو ریسکلرین ایش دونیاسینا تأثیرلری ده موذاکیره اولوناجاق.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.