برزیلیادا داشقین‌لار 11 نفرین حیاتینا سون قویوب

برزیلیانین ریودوژانیرو شهرینده لئیسان یاغیش‌لارین سبب اولدوغو داشقین‌لار نتیجه‌سینده 11 نفر اؤلوب، 2 نفر ده ایتکین دوشوب.

ریودوژانیرو بلدیه صدری ادواردو پائس آختاریش-قورتارما ایشلرینین داوام ائتدیگینی و شهرده "فوق العاده وضعیت" اعلان ائتدیک‌لرینی بیلدیریب.

داشقین‌لار نتیجه‌سینده ایندییه‌دک 11 نفر اؤلوب، 2 نفر ایتکین دوشوب.

یئتکیلیلر داشقین‌لار نتیجه‌سینده اونلارلا ائوین سو آلتیندا قالدیغینی و احتیاجی اولان اینسان‌لارا ارزاق چاتدیرماغا چالیشدیق‌لارینی آچیقلاییب.

معلوماتدا قئید اولونوب کی، لئیسان یاغیش‌لاری شهرین دوغو بولگه لرینده بیر مدت داوام ائده‌جک.