آلمانیادا تورم‌ون سویه‌سی آرتیب

اؤتن ایلین دسامبر آلمانیادا تورم سویه‌سی آرتیب.

سبب اوندا ایدی کی، 2022-جی ایلین ائله همین آییندا آلمان‌لارین اکثریتی حکومت طرفیندن آیریلان سوبسیدلر  سایه‌سینده ایستی‌لیک اوچون بودجه خرجلمه‌دی‌لر.

آردیجیل بئش ائنمه‌دن سونرا آلمانیادا ایلک دفعه اولا‌راق تورم دسامبردا آرتدی. فدرال ایستاتیستیک ایداره‌سی‌نین ایلکین دگرلندیرمه‌سینه گؤره، محصول‌لار و خیدمت‌لر بیر ایل اوولکی دؤورله موقاییسه‌ده اورتا حسابلا 3،7 فایز باهالاشیب. نوامبردا تورم سویه‌سی 3،2 فایزدک آشاغی دوشه‌رک، سون ایکی ایل یاریم عرضینده ان آشاغی گؤستریجی اولدو. حالبوکی اقتصادچیلار 3،7 فایزدک آرتیم گؤزلییردی‌لر. 2023-جو ایل عرضینده تورم بوتؤولوکده 5،9 فایز تشکیل ائدیردی و بو دا بؤیوک‌لوگونه گؤره بیرلشمه‌دن سونرا ایکینجی گؤستریجی ایدی، 2022-جی ایلده نایل اولونان 6،9 فایز گؤستریجی‌دن گئری قالیردی.