بلینکن نتانیاهو و عباس ایله گؤروشوب
امریکانین خاریجی ایشلر ناظیری آنتونی بلینکن ایسراییلین باش ناظیری بنیامین نتانیاهو و فیلیسطین پرزیدنتی محمود عباس ایله آیری-آیریلیقدا گؤروشوب.
امریکانین خاریجی ایشلر ناظیری آنتونی بلینکن ایسراییلین باش ناظیری بنیامین نتانیاهو و فیلیسطین پرزیدنتی محمود عباس ایله آیری-آیریلیقدا گؤروشوب.
امریکانین خاریجی ایشلر ناظیرلیگی اورتا دوغو سفری چرچیوهسینده ایسراییله گئدن بلینکنین نتانیاهو و محاربه کابینهسی ایله گؤروشو ایله باغلی آچیقلاما یاییب.
آچیقلامایا گؤره، بلینکن امریکانین ایسراییلین "اولوسلار آراسی حقوقا اویغون اولاراق اؤزونو ساوونما حقوقونا صاحیب اولماسینی" دستکلدیگینی بیان ائدیب.
بلینکن آیریجا ایسراییلی سیویل اینسانلارا ضرر وئرمهمک اوچون هر جور تدبیر گؤرمهیه چاغیریب.
بلینکن وورغولاییب کی، غزه-نین جنوبوندا هر هانسی بیر حربی عملیاتدان اول اوراداکی سیویل وطنداشلار قورونمالی و اونلارین احتیاجلاری نظره آلینمالیدیر.
گؤروش زامانی "حماس" ایله اسیر موبادیلهسی و غزه-یه اینسانی یاردیمین چاتدیریلماسینین سرعتلندیریلمهسی مسئلهسی ده موذاکیره اولونوب.
بلینکن اوردون چایینین باتی ساحلینین رام الله شهرینده فیلیسطین پرزیدنتی عباس ایله ده گؤروشوب.
گؤروش زامانی بلینکن غزه-یه اینسانی یاردیمین چاتدیریلماسینین سرعتلندیریلمهسی ایستیقامتینده سعیلری موذاکیره ائدیب و اوردون چایینین باتی ساحلینده فیلیسطین وطنداشلارینا قارشی افراطی زوراکیلیغی پیسلدیگینی و گوناهکارلارین مسئولیته جلب اولونماسیندا اصرار ائتمهیه داوام ائدجگینی بیلدیریب.
گؤروشده همچنین اوردون چایینین باتی ساحلینده فیلیسطینلیلرین تهلوکهسیزلیگینی و آزادلیغینی آرتیرماق اوچون عاجیل تدبیرلرین گؤرولمهسینه احتیاج اولدوغو دا دیله گتیریلیب.
بلینکن همچنین بیلدیریب کی، امریکا فیلیسطین دؤولتینین قورولماسی ایستیقامتینده کونکرئت آددیملار آتماغا صادقدیر.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.