سوما‌لی-ده داشقین‌لار نتیجه‌سینده اؤلن‌لرین سایی 53-ا یوکسلیب

سوما‌لی-ده گوجلو یاغیش‌لارین سبب اولدوغو داشقین‌لار نتیجه‌سینده اؤلن‌لرین سایی 53-ا یوکسلیب.

سوما‌لی فلاکت‌لرین ایداره اولونماسی آژانسی‌نین (SODMA) صدری محمد معلین عبدالله مطبوعاتا وئردیگی آچیقلامادا 1،5 میلیون اینسانین حدیندن آرتیق یاغیش و داشقین‌لاردان ضرر چکدیگینی، 5 میندن چوخ ائوین داغیلدیغینی بیلدیریب.

محمد معلین عبدالله طبیعی فلاکت نتیجه‌سینده 53 نفرین حیاتینی ایتیردیگینی قئید ائدیب.

سوما‌لی‌-ده‌کی فلاکت حیران، باکول، خلیج و گدو بؤلگه‌لرینده تأثیرلی اولوب.

داشقین‌لاردان حیواندارلیق و اکینچی‌لیک ساحه‌لری ده ضرر چکیب.

سون ایللرین ان شدت‌لی قوراق‌لیغینی یاشایان سوما‌لی و کنیا ایقلیم دییشیکلیگیندن ان چوخ تأثیرلنن اؤلکه‌لر سیراسیندا‌دیر.

کنیا حدیندن آرتیق یاغیشلا علاقه‌دار وطنداش‌لارینا خبردارلیق ائدیب. داشقین‌لاردان سونرا سوما‌لی‌نین بعضی بؤلگه‌لرینده "فوق العاده وضعیت" اعلان ائدیلیب.