'قورخمایین، بیر آز سونرا اؤله‌جییک'

۲۰ نوامبر دونیا اوشاق حاقلاری گونونده، غزه‌ده و فیلیسطینده یاشایان اوشاقلارین "اوشاق کیمی یاشاما حاقلاری اوچون" (تورکیه) ساعات (ی ایله) ۲۱.۰۰دا، ایشیق سؤندوروب یاندیرما ائیلمی گئرچکلشدیریله‌جک.

آنکارا یاردیملاشما پلتفورمو، غزه‌لی اوشاقلار اوچون "بیر شئی ائت" کمپینی چرچیوه‌سینده، بو گون ساعات ۲۱.۰۰دا یورد ایچی و دیشیندا ایشیق قاپادیب آچما ائیلمی گئرچکلشدیره‌جکلرینی بیلدیردی.

پلتفورمدان وئریله‌ن آچیقلامادا، "غزه‌ده ایسرائیل قیرغینینین ۴۴.جو گونودور. ۱۳ مینی آشان غزه‌لی وطنداش، ایسرائیلین ساواش سوچو اولاراق ثبت ائدیلن سالدیریلاریندا حیاتینی ایتیردی. بونلار آراسیندا ساییسی مینلرله ذکر ائدیله‌ن اوشاق و کؤرپه یئر آلیر" ایفاده‌لری ایشله‌دیلدی.

۲۰ نوامبر دونیا اوشاق حاقلاری گونونده "بیر شئی ائت" شعارییلا بیر فرقینده‌لیک کمپینی باشلادیلدیغی ایفاده ائدیله‌ن آچیقلامادا، بونلار قید ائدیلدی:

"ایسرائیل طرفیندن ایشله‌نه‌ن اوشاق قیرغینلاری سونلانانا قدر سۆرمه‌سینی پلانلادیغیمیز کمپین چرچیوه‌سینده، ایلک ائیلم اولاراق ۲۰ نوامبر بازار ائرته‌سی گونو ساعات ۲۱.۰۰دا یورد ایچی و دیشیندا ایشیق قاپادیب آچما ائیلمی گئرچکلشدیره‌جییک. داوام ائد‌ن گونلرده بنزر فعالیتلرله اوشاق اؤلوملرینه قارشی اولوسلارآراسی بیر ائیلم و کۆره‌سل دیرنیش اولوشماسینی آرزولاماقداییق".

جمهورباشقانی رجب طیب اردوغانین حیات یولداشی امینه اردوغان دا، ۲۰ نوامبر دونیا اوشاق حاقلاری گونونه باغلی ائتدیگی پایلاشیمدا، ایسرائیلین اؤلدوردوگو فیلیسطینلی اوشاقلارا دقت چکدی.

امینه اردوغان، سوسیال مئدیا حسابیندان ائتدیگی پایلاشیمدا، "۰، ۱، ۳، ۵، ۶، ۸، ۹… بو رقملر، یالنیز بیر رقم دئییل. ۷ اکتبردان بو گونه ایسرائیلین بومبالادیغی غزه‌ده، ان تمل حاق اولان، حیاتا حاقی الیندن آلینمیش مینلرجه اوشاغین یاشلاریندان بعضیلری. قارداشلارینی 'قورخمایین، بیر آزدان اؤله‌جییک' سؤزلریله تسلی ائد‌ن اوشاقلار اوچون گئجیکدیک" ایفاده‌لرینی ایشلتدی.