فرانسا غزه-یه هلیکوپتر گمیسی گؤندریب

فرانسا ایسراییلین هوجوم‌لاری نتیجه‌سینده یارا‌لانان‌لارین معالیجه‌سی اوچون خسته‌خانا خیدمت‌لری گؤستره‌جک شکیلده دیازن ائدیلن یئنی هلیکوپتر گمی‌سینی غزه-یه گؤندریب.

فرانسانین ساوونما ناظیری سباستین لکورنو  "ایکس" سوسیال مئدیا حسابینداکی پای‌لاشیمیندا قئید ائدیب کی، هلیکوپتر گمی‌سینده 40 یاتاق، 2 عملیات اوتاغی، بیر رنتگن اوتاغی و لابراتولار وار. گمی خصوصیله وضعیتی عاجیل یاردیما احتیاجی اولان یارا‌لی اوشاق‌لارین معالیجه سینده ایستیفاده اولونا‌جاق.

"دیکسمود" آدلی هلیکوپتر داشیییجی‌سی‌نین بیر نئچه گون عرضینده میصره چاتاجاغی گؤزلنیلیر.

خاطیرلاداق کی، فرانسا اؤتن آی تونر آدلی هلیکوپتر گمی‌سینی غزه-یه گؤندریب.

ایسراییلین خسته‌خانا‌لاری هدف آلدیغی و آغیر سیویل ایتکی‌لرین قئیده آلیندیغی غزه-ده ساغلیق خیدمت‌لری دایانما نقطه‌سینه گلیب. فرانسانین گؤندردیگی گمی‌لر کیفایت قدر یاتاق توتومونا مالیک اولمادیغی اوچون موخالیفت طرفیندن تنقید ائدیلیر.

خاطیرلاداق کی، "حماس"ین حربی قانادی قسام گردان لاری اوکتبرین 7-سی گئجه‌سی ایسراییله قارشی "القصی طوفانی" آدلی هرطرف‌لی هوجوما کئچیب. غزه-دن ایسراییله دوغرو مین‌لرله راکت آتیلیب، سلاح‌لی قروپ‌لار بؤلگه‌ده‌کی یاشاییش منطقه‌لرینه داخیل اولوب. ایسراییل اوردوسو دا ساواش اوچاق لاری ایله غزه زولاغینا قارشی "دمیر قیلینج‌لار" عملیاتینا باشلاییب.

غزه حکومتی‌نین معلوماتینا گؤره، ایسراییلین اوکتبرین 7-دن بو یانا حیاتا کئچیردیگی هوجوم‌لاردا غزه زولاغیندا 5 مینی اوشاق و 3 مین 300 قادین اولماقلا 13 مین‌دن چوخ اینسان هلاک اولوب.