دیوید کامرون اینگیلترهنین یئنی خاریجی ایشلر باخانی اولدو
کامرون: الده ائتدیگیم تجروبهنین، باشباخان سوناکین بو حیاتی چتینلیکلرله باشا چیخماسینا دستک اولمام اوچون کؤمکچی اولاجاغینی اومود ائدیرهم
اینگیلتره باشباخانی ریشی سوناکین، فیلیسطینه دستک گؤستریلرینی یاساقلاتماغا چالیشان ایچ ایشلری باخانی سوئلا براورمنی وظیفهدن آلاراق کابینهسینده دییشیکلیک ائتمهسی ایله ۷ ایلدیر سیاستین دیشیندا قالان اسکی باشباخان دیوید کامرون، اؤلکهنین یئنی خاریجی ایشلر باخانی اولدو.
اینگیلتره خاریجی ایشلر باخانی جیمز کلورلینین، وظیفهدن آلینان براورمنین یئرینه گتیریلهرک اؤلکهنین یئنی ایچ ایشلری باخانی اولماسییلا، کامرون دا خاریجی ایشلر باخانلیغیندا بوشالان وظیفهیه گتیریلهرک آکتیو سیاسته گئری قاییتدی.
کامرون، اینگیلتره باشباخانی ریشی سوناک طرفیندن خاریجی ایشلر باخانلیغی وظیفهسینه گتیریلمهسینین آردیندان وئردیگی آچیقلامادا، اؤلکهسینین اوکراینا و اورتا دوغوداکی ساواشلار داخیل "قورخودوجو بیر سیرا اولوسلارآراسی چتینلیکله" قارشی قارشییا اولدوغونا ایشاره ائتدی.
داوید کامرون،
"سون ۷ ایلدیر اؤن صفلرده سیاست یئریتمهسم ده ۱۱ ایل محافظهکار پارتی لیدئری و ۶ ایل باشباخان اولاراق الده ائتدیگیم تجروبهنین، باشباخان سوناکین بو حیاتی چتینلیکلرله باشا چیخماسینا دستک اولمام اوچون کؤمکچی اولاجاغینی اومود ائدیرهم" ایفادهسینی ایشلتدی.
ایلگیلیلی خبرلر
اتوبوس دووارا چارپدی، ۱۶ نفر اؤلدو
نیجریهنین گونئی دوغوسونداکی ائنوگو ایالتینده میدانا گلن یول قضاسیندا ۱۶ نفر اؤلدو