لاورو: "تحریم لرده آوروپانین جدی ایتکیسی وار"
روسیانین خاریجی ایشلر ناظیری سرگئی لاوروو آوروپا شیرکتلرینین روسیایا قارشی تحریم لره گؤره 250 میلیارد یورو ایتیردیگینی آچیقلاییب.
روسیانین خاریجی ایشلر ناظیری سرگئی لاوروو آوروپا شیرکتلرینین روسیایا قارشی تحریم لره گؤره 250 میلیارد یورو ایتیردیگینی آچیقلاییب.
لاوروو پایتاخت موسکوادا موختلیف اؤلکهلردن سفیرلرین قاتیلدیغی دییرمی ماسادا اوکراینا بحرانینین حلی ایله باغلی چیخیش ائدیب.
امریکانین سیاستلری ایله آوروپا اقتصادیاتینا ضرر وئردیگینه دقت چکن ناظیر دئییب:
" واشینگتن-ون حربی صنایعسی اوچون پول قازانارکن اونون امری آلتیندا اولان آوروپانی ایفلاسا سوروکلییر".
امریکانین آوروپانی اؤز باهالی مایع گازینی (LNG) آلماغا مجبور ائتدیگینی ایفاده ائدن لاوروو "(امریکا) آوروپا شیرکتلرینه اؤز اگویست قانونلارینی تطبیق ائدیر و بوراداکی شیرکتلری ایشینی خاریجه، خرجلرین داها آز اولدوغو یئرلره کؤچورمهیه مجبور ائدیر. آوروپا بیرلیگینی روسیایا مخصوص هر شئیدن ایمتینا ائتمهیه مجبور ائدن واشینگتن روسیادان اوران و دیگر کریتیک ماتئریاللاری آلماغا داوام ائدیر" دئییب.
سرگئی لاوروو آوروپانین بو سیاستلره گؤره جدی اقتصادی زیانا اوغرادیغینی اساس گتیرهرک دئییب:
"ان متواضع حسابلامالارا گؤره، سون 1،5 ایلده آوروپا شیرکتلری باتینین بیرطرفلی تحریم لری سببیندن 250 میلیارد یورو ایتیریب. بو، بؤیوک رقمدیر".
بیرلشمیش میللتلر تشکیلاتینین قارا دنیز تاخیل تشببوسونو جانلاندیرماق سعیلرینین نتیجه وئرمهدیگینه دقت چکن لاوروو باتی اؤلکهلرینین بو مسئلهده ایرلیلییشه مانع اولدوغونو وورغولاییب.
ایلگیلیلی خبرلر
آلمانیا باش ناظیری ایله نتانیاهو آراسیندا تلفون دانیشیغی اولوب
آلمانیا باش ناظیری اولاف شولتس ایسراییلین باش ناظیری بنیامین نتانیاهو ایله تلفونلا دانیشیب.