دونیا ساغلیق هؤرگوتوندن غزه اویاریسی
دونیا ساغلیق هؤرگوتو سؤزچوسو کریستین لیندمایر، بیرلشمیش میللتلر ژنو اوفیسینین هفتهلیک مطبوعات توپلانتیسیندا، ایسرائیل-فیلیسطین چاتیشماسینا باغلی دگرلندیرمهلر وئردی
دونیا ساغلیق هؤرگوتو، ایسرائیلین آغیر سالدیریلاری آلتینداکی غزهده خالقین سو، یاناجاق و یئمگین یانیندا ساغلیق خیدمتلرینی گوونلی شکیلده آلما احتیاجی اولدوغونو بیلدیردی.
دونیا ساغلیق هؤرگوتو سؤزچوسو کریستین لیندمایر، بیرلشمیش میللتلر ژنو اوفیسینین هفتهلیک مطبوعات توپلانتیسیندا، ایسرائیل-فیلیسطین چاتیشماسینا باغلی دگرلندیرمهلر وئردی.
چاتیشمالارین بیر آیی گئریده بوراخدیغینی خاطیرلادان لیندمایر، دونیا ساغلیق هؤرگوتونون آجیلارین دورماسی اوچون چاتیشمالارا عاجیل اینسانی آرا وئریلمهسی یولونداکی چاغریسینی تکرارلادی.
لیندمایر،
"غزهده مینلرجه اینسان اؤلور، حیاتدا قالانلار ایسه صدمه، خستهلیک، یئمک و سو اسکیکلیگیندن اؤترو آجی چکیر. غزهلیلرین حیاتدا قالابیلمهلری اوچون سو، یاناجاق و یئمگین یانیندا ساغلیق خیدمتلرینی گوونلی شکیلده آلماغا احتیاج وار" دئدی.
غزهده ۱۶۰ ساغلیق چالیشانین حیاتینی ایتیردیگینی ایفاده ائدن لیندمایر، بونلاردان ۱۶سینین وظیفه باشیندا اؤلدورولدوگونو قید ائتدی.
لیندمایر، ساغلیق مرکزلرینه قارشی غزهده ۱۰۲، ایشغال آلتینداکی اردن چایینین باتی ساحیلیلنده ایسه ۱۲۱ سالدیری گئرچکلشدیریلدیگینی سؤیلهدی.
حماسین عسگری قانادی قسام توغایلاری، ۷ اکتبر جمعهائرتهسی گونو اسرائیله "الاقصی توفانی" آدلی گئنیش بیر سالدیری باشلاتدیغینی بیلدیرمیشدی. غزهدن اسرائیله مینلرجه راکت آتیلارکهن سلاحلی قروپلار دا بؤلگهدهکی یئرلهشیم یئرلرینه گیرمیشدی.
اسرائیل اوردوسو دا ساواش اوچاقلاری ایله غزهیه دمیر قیلینجلار عملیاتی باشلاتدیغینی آچیقلامیشدی.
آرتان گرگینلیکده هر ایکی طرفدن مینلرجه جان ایتکیسی وار.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.