مکزیکادا قاسغیردا نتیجهسینده هلاک اولانلارین سایی 48-ا چاتیب
مکزیکانین گونئی ینده یئرلشن ساحل شهری آکاپولکویا تأثیر ائدن "اوتیس" قاسیرغاسی نتیجهسینده اؤلنلرین سایی 48-ا یوکسلیب.
مکزیکانین گونئی ینده یئرلشن ساحل شهری آکاپولکویا تأثیر ائدن "اوتیس" قاسیرغاسی نتیجهسینده اؤلنلرین سایی 48-ا یوکسلیب.
گررو ایالتینین والیسی ایولین سالگادو وئردیگی آچیقلامادا "اوتیس" قاسیرغاسی نتیجهسینده اینسان ایتکیلرینین آرتدیغینی بیلدیریب.
حیاتینی ایتیرنلرین سایینین 48-ا یوکسلدیگینی قئید ائدن سالگادو ایتکین دوشنلرین سایینین هلهلیک 36 اولدوغونو آچیقلاییب.
مکزیکا پرزیدنتی لوپز اوبرادور دا آختاریش-قورتارما ایشلرینین فاصیلهسیز داوام ائتدیگینی وورغولایاراق، بؤلگهیه سفر ائدجگینی بیلدیریب.
قاسیرغانین تأثیرلی اولدوغو آکاپولکو شهرینی دیرچلدهجکلرینی بیلدیرن لوپز اوبرادور یئرلی حاکمیت اورقانلاری ایله سیخ علاقهده اولدوقلارینی قئید ائدیب.
خاطیرلاداق کی، اوکتبرین 26-دا 5-جی کاتقورییه یوکسلن و "داغیدیجی اولا بیلهجگی" خبردارلیغی ائدیلن "اوتیس" قاسیرغاسی سببیندن مکزیکادا 39 نفر حیاتینی ایتیریب.
قاسیرغا نتیجهسینده اون مینلرله اینسانین ائوینه زیان دیرکن، یاشاییش ائولری ایشیقسیز غالیب.
حکومت "اوتیس" قاسیرغاسیندان سونرا غارت حادثهلرینین قارشیسینی آلماق اوچون تخمینن 17 مین عسگر و پولیس وظیفهلندیریب.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی