جو بایدن ایسرائیلده
"باشقان (بایدن)، غزهدهکی خستهخانا پاتلاماسیندا حیاتینی ایتیرهن سوچسوز جانلار اوچون ان درین باشساغلیغی دیلکلرینی چاتدیردی، یارالیلارا عاجیل شفالار دیلهدی"
بو گون گئتدیگی ایسرائیلدن سونرا ائدجگی اردن سفرینی ائرتهلهین آمریکا بیرلشمیش دؤولتلری باشقانی جو بایدن، غزهدهکی خستهخانا سالدیریسیندا حیاتینی ایتیرهنلر اوچون باشساغلیغی، یارالیلار اوچون عاجیل شفالار دیلهدی.
آغ ائودهن وئریلهن آچیقلامادا، بایدنین، اردن کرالی ۲.جی عبدالله ایله موشاویرهلر ائتدیکدن سونرا و فیلیسطین دؤولت باشقانی محمود عباسین ایسرائیلین غزهدهکی خستهخانا سالدیریسی اوزرینه یاس اعلان ائتمهسینین ایشیغیندا، اردن سفرینی ائرتهلهدیگی بیلدیریلدی.
"باشقان (بایدن)، غزهدهکی خستهخانا پاتلاماسیندا حیاتینی ایتیرهن سوچسوز جانلار اوچون ان درین باشساغلیغی دیلکلرینی چاتدیردی، یارالیلارا عاجیل شفالار دیلهدی" ایفادهسینه یئر وئریلهن آچیقلامادا، بایدنین اردن، فیلیسطین و مصر لیدئرلریله اوز اوزه گؤروشمهنی صبیرسیزلیکله گؤزلهدیگی و بو مدتده لیدئرلرله بیر باشا تماس حالیندا اولاجاغی قید ائدیلدی.
ایسرائیله چاتان بایدنین، داها سونرا اردنا گئدهرک، کرال ۲.جی عبدالله، مصر جمهورباشقانی عبدالفتاح السیسی و فیلیسطین دؤولت باشقانی محمود عباس ایله گؤروشهجگی بیلدیریلمیشدی.
جو بایدنین ده قاتیلماسی گؤزلهنیلهن دؤردلو ذیروه اوچون باشکند اماندا اولان فیلیسطین دؤولت باشقانی عباسین، ایسرائیلین غزهدهکی خستهخانا سالدیریسی سونراسیندا راماللهآ دؤنمه قراری آلدیغی آچیقلانمیشدی.
آمریکا خاریجی ایشلر باخانی آنتونی بلینکن ده سوسیال مئدیا حسابیندان بیر مئساژ پایلاشاراق، "غزهدهکی الهلی باپتیست خستهخاناسینداکی 'پاتلاما' سببی ایله درین کدر" دویدوغونو ایفاده ائتدی.
آمریکانین سیویل حیاتین قورونماسینی ساووندوغونو بیلدیرن بلینکن، مئساژیندا، "ایسرائیللی و فیلیسطینلی بوتون وطنداشلار قورونمالی" ایفادهسینه یئر وئردی.
ایسرائیلین غزهدهکی الاهلی باپتیست خستهخاناسینی هدف آلان بومباردمانیندا ۵۰۰ نفرین جان وئردیگی بیلدیریلمیشدی.
فیلیسطین دؤولت باشقانی عباس، سالدیریدان اؤترو ۳ گون یاس اعلان ائتمیشدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی