اینگیلتره-ده قاچقین عائله‌لرین یئرلشدیریلدیگی یئرلر

اینگیلتره-ده قاچقین عائله‌لرین و سرپرستی اولمایان اوشاق‌لارین یئرلشدیریلدیگی یئرلر اولوسلار آراسی ایستاندارت‌لاردان و اؤلکه قانونلاریندان‌ گئری قالیب.

اینسان حاق لاری موشاهده تشکیلاتی  (HRW) و اینگیلتره-ده یئرلشن "Just Fair" آدلی غیری-حکومت تشکیلاتی‌نین عائله لر و سرپرستی اولمایان اوشاق لارین قالدیقلاری هتل و اوخشار یئرلرده یاشادیقلارینا دایر اورتاقلاشا آپاردیغی آراشدیرما راپورو یاییملانیب.

قاچقین‌لارین سیغینا‌جاق، قیدا، تحصیل، ساغلام‌لیق و سوسیال گوونلیک کیمی اینسان حاق‌لارینی پوزان جدی نقصان‌لارین پایلاشیلدیغی راپوردا حکومتین بو پروبلئم‌لری حل ائتمک عوضینه اؤلکه داخیلینده سفالت و حقوق پوزونتولارینی آرتیرا‌راق "اوغورسوز سیاست یوروتدوگو و دوشمن‌لیک یولو توتدوغو" یازیلیب.

راپوردا لنج‌ لر و یئنی‌دن تشکیل ائدیلمیش پادگان لار کیمی یئرلردن سیغینا‌جاق کیمی ایستیفاده‌نین "حل یولو" اولمادیغی، عکسینه، داها چوخ اینسان حقوق‌لاری‌نین پوزولماسینا گتیریب چیخاردی بیلدیریلیب.

سؤزوگئدن یئرلرین یاشاییش اوچون اویغون اولمادیغی و شخصی حیاتی تامین ائتمه‌دیگی، اساس خیدمت‌لردن اوزاقدا یئرلشدیگینه دقت چکیلیب.

بئله یئرلرین یالنیز قیسا مدت‌لی قالماق اوچون لازیم اولدوغو بیلدیریلسه ده، راپوردا پادگان کیمی یئرلردن قاچقین‌لار اوچون سیغینا‌جاق کیمی ایستیفاده‌نین خرج‌لری آزالداجاغینی ادعا ائدن صلاحیت‌لی‌لر تنقید ائدیلیب.

ایلک آددیم کیمی ایچ ایشلر ناظیرلیگی اوشاق‌لی عائله‌لرین ان قیسا زاماندا ائو و یا منزیل کیمی اویغون یاشاییش یئرلرینه یئرلشدیریلمه‌سینی تامین ائتمه‌لی‌دیر. سرپرستی اولمایان اوشاق‌لار اونلارا قایغی و محافظه‌نی تامین ائده‌جک یاشاییش یئرلرینده یئرلشدیریلمه‌لی‌دیر. اونلارین بونا حاق‌لاری وار".