بینادا یانغین: ان آز ۵۲ نفر حیاتینی ایتیردی

گونئی آفریقانین ان بؤیوک شهری ژوهانسبورگ‌داکی چوخ قاتلی بیر بینادا چیخان یانغین‌دا، ایلک بیلگیلره گؤره ۵۲ نفر حیاتینی ایتیردی، چوخ ساییدا اینسان یارالاندی.
گونئی آفریقا عاجیل دوروم یؤنه‌تیم سرویسیندن وئریله‌ن آچیقلامادا، ژوهانسبورگ‌داکی چوخ قاتلی بیر بینادا سحره دوغرو یانغین چیخدیغی بیلدیریلدی.
آچیقلامادا ایلک بیلگیلره گؤره بیری کؤرپه ۵۲ نفرین حیاتینی ایتیردیگی، چوخ ساییدا اینسانین یارالاندیغی ایفاده ائدیلدی.
اؤلو ساییسینین آرتماسین‌دان قایغی دویدوقلارینی بیلدیره‌ن مسئوللار، یانغینین بؤیوک نیسبت‌ده کنترل آلتینا آلیندیغینی آنجاق ایچریده هله آغیر توستو اولدوغونو قید ائتدی.
قروپلارین، آختارما قورتارما ایشلری داوام ائدیر.