ناتو، تورکیه‌نین ظفر بایرامینی قوتلادی
ناتو متفیق قورو قوموتانلیغی لندکوم، یاییملادیغی مئساژدا تورکجه اولاراق "ظفر بایرامینیز قوتلو اولسون" ایفاده‌سینه یئر وئردی
ناتو متفیق قورو قوموتانلیغی (لندکوم)، ۳۰ آگوست ظفر بایرامی و تورک سلاحلی گوجلری گونو سببی ایله تورکیه‌نی قوتلادی.
گئچه‌ن ایل بنزر بیر مئساژلا ۳۰ آگوست ظفر بایرامینی قوتلایان آنجاق یونانیستانین اعتراضی اوزرینه سوسیال مئدیاداکی قوتلاما مئساژینی سیله‌ن لندکوم، بو ایل تورکجه اولاراق "ظفر بایرامینیز قوتلو اولسون" ایفاده‌سینه یئر وئردی.
قرارگاهی ایزمیرده اولان لندکومون ۱۰.جو پلتفورمونداکی مئساژینین داوامیندا، اینگیلیزجه اولاراق،
"بو اؤزل گونده بیزه ائو صاحبلیگی ائتدیگی اوچون تورکیه‌یه تشکرلریمیزی ایفاده ائتمک ایسته‌ییریک. تورکیه، ۱۹۵۲ده ناتویا قاتیلماسیندان بو یانا بیر چوخ عملیاتا و مانورا قاتیلمیش، عسگرلری هر زامان بؤیوک پروفسیونللیک و عزم سرگیله‌میشدیر. تورکیه و ناتو بیرلیکده داها گوجلو و گوونده‌دیر" ایفاده‌لری ایشله‌دیلدی.
لندکوم، گئچه‌ن ایل ده ۳۰ آگوست اوچون بنزر بیر پایلاشیم ائتمیش آنجاق یونانیستانین اعتراضی اوزرینه سوسیال مئدیا مئساژی سیلینمیشدی.
تورکیه، مئساژین سیلینمه‌سینی ناتو مقاملارینا بیلدیرمیش و دورومون قبول ائدیلمز اولدوغونو ایفاده ائتمیشدی. بونون اوزرینه لندکوم، ۱ سپتامبردا یئنی بیر قوتلاما مئساژی پایلاشمیشدی.
ایلگیلی‌لی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی
