چاد-داکی قاچقین بحرانی داها دا پیسلشه بیلر
عبدالرعوف گنون کوند ایلک دفعه سفر ائتدیگی چادین پایتاختی انجامنا شهرینده اؤلکهدهکی اینسانی وضعیتله باغلی مطبوعات کنفرانسی کئچیریب.
بیرلشمیش میللتلر تشکیلاتینین قاچقینلار اوزره عالی کمیسارلیغینین (UNHCR) باتی- مرکزی افریقا بولگهسل اوفیسینین مودیری عبدالرعوف گنون کوند چاد-داکی قاچقین بحرانینین داها دا پیسلشه بیلهجگینی بیلدیریب.
عبدالرعوف گنون کوند ایلک دفعه سفر ائتدیگی چادین پایتاختی انجامنا شهرینده اؤلکهدهکی اینسانی وضعیتله باغلی مطبوعات کنفرانسی کئچیریب.
دونیاداکی یاردیمدا عرضه و تقاضا بالانسسیزلیغینا ایشاره ائدن عبدالرعوف گنون کوند بو وضعیتین احتیاجی اولانلارا خیدمت ایمکانلارینی جدی شکیلده محدودلاشدیردیغینی وورغولاییب.
عبدالرعوف گنون کوند قاچقینلارین ان جدی پروبلئمینین سیغیناجاق و یئمک اولدوغونو دئییب.
قاچقین بحرانینین هله بیتمهدیگینی وورغولایان کونده "بو وضعیت داها دا پیسلشه بیلر. اونا گؤره ده حاضیر اولمالیییق" دئیه قئید ائدیب.
"حاضیردا قاچقینلارین سایی 358 مینی کئچیب و هر شئی گؤستریر کی، بو، تئزلیکله سنگیمهیهجک. بیرلشمیش میللتلر تشکیلاتینین قاچقینلار اوزره عالی کمیسارلیغینین بیزه آییردیغی مبلغ 388 میلیون دولار اولسا دا، بیز بو مبلغین یالنیز 26 فایزینی الده ائتمیشیک"، -دئیه او بیلدیریب.
عبدالرعوف گنون کوند بیان ائدیب کی، بمت-نین قاچقینلار عالی کمیساری فیلیپپو گراندی یاخین واختلاردا گئنیش ترکیبلی هئیت ایله چادا سفر ائدهجک.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی