گمی باتدی؛ ۴۱ کؤچمن اؤلدو

ایتالیانین لامپدوسا آداسی یاخینلاریندا، ایچین‌ده اولدوقلاری گمینین باتماسی نتیجه‌سینده ۴۱ کؤچمن حیاتینی ایتیردی.
ایتالیا آنسا خبر آژانسینا گؤره، تونسین سافاکس شهرین‌دن یولا چیخان و  کؤچمنلری داشییان گمی، لامپ‌دوسا آداسی سولارین‌دا باتدی.
حادثه‌ده ۴۱ کؤچمن حیاتینی ایتیررکه‌ن، ساحل گوونلیک قروپلاری ۴ کؤچمنی قورتارماغی باجاردی.
قورتاریلان شخصلر، ۴۵ نفرله یولا چیخدیقلارینی و آرالارین‌دا ۳ ده اوشاق اولدوغونو قید ائتدی.
گمینین، یولا چیخدیقدان ۶ ساعات سونرا سرت بیر دالغانین تاثیری ایله باتدیغی بیلدیریلدی.
اورتا آغ دنیزده کؤچمن ترافیکینین سیخ اولدوغو ایتالیانین لامپدوسا آداسی سولارین‌دا ۶ آگوست‌دا دا باتان گمیده‌کی بیر قادین و اوشاغین جانسیز بد‌نی تاپیلمیشدی.
۲۰۱۴دن بو یانا لیبی و تونس‌دن ایتالیایا گئچمه‌یه چالیشارکه‌ن ۱۴ مینی آشان اینسان اؤلدو یا دا دنیزده ایتدی.