بمت روسیانین اوکراینادا خسته‌خانایا هوجومونو پیسله‌ییب

بیرلشمیش میللت‌لر تشکیلاتی (بمت) روسیانین اوکراینادا خسته‌خانایا یئنی ایشه قبول اولونموش حکیمین اؤلومو ایله نتیجه‌لنن هوجومونو پیسله‌ییب.

بمت باش کاتیبی‌نین سؤزچونون معاوینی فرهان حاق گونده‌لیک مطبوعات کنفرانسیندا ژورنالیست‌لرین سوال‌لارینی جاوابلاندیریب.

حاق بیلدیریب کی، بمت-نین اینسانی مسئله‌لر اوزره کووردیناتورو دنیس براونون اوکراینانین خرسون شهرینده‌کی خسته‌خانادا بیر حکیمین اؤلومو و 5 طب ایشچی‌سی‌نین یارالانماسی ایله نتیجه‌لنن "روسیانین بومباردمانینی قبول ائدیلمز" آدلاندیریب.

مطبوعات کاتیبی‌نین معاوینی براونون "حیات‌لاری محو ائدیلمیش اینسان‌لارا اهمیت‌لی خیدمت‌لر گؤسترن‌لرین بئله هدفه آلینماسینا" رئاکسیاسینی بؤلوشوب.

سون هوجومون قوربانی اولان حکیمین "وظیفه‌سی‌نین ایلک گونونده اؤلدوگونو" ایفاده ائدن فرهان حاق محاربه‌نین شدت‌لندیگی 2022-جی ایلین فوریه‌دن بری دونیا ساغلیق تشکیلاتی‌نین اوکراینادا ساغلیق خیدمت‌لرینه ایستیقامت‌لی 1000-دن چوخ هوجومون ائدیلدیگینی تصدیقلدیگینی سؤیله‌ییب.

فرهان حاق همچنین قئید ائدیب کی، بمت-نین اینسانی مسئله‌لرین کووردیناسیونو ایداره‌سی سیویل شخص‌لرین ساوونماسی و افکتیو آراشدیرما‌لارین آپاریلماسی اوچون اولوسلار آراسی اینسانی حقوق چرچیوه‌سینده "آیدین شکیلده ایفاده ائدیلمیش عهده لیک لره حؤرمت ائتمه‌یه و ادعا ائدیلن جدی پوزونتولارین تعقیبینه" چاغیریر.

قئید ائدک کی، اوکراینا پرزیدنتی ولودیمیر زلنسکی آوقوستون 1-ده روسیا اوردوسونون کریوی ریگ و خرسون شهرلرینده منزیل‌لره و اونیوئرسیته بیناسینا ضربه‌لر ائندیردیگینی، اؤلن و یارا‌لانان‌لارین اولدوغونو بیلدیریب.