پوتین: "شرطلر یئرینه یئتیریلرسه، درحال راضیلاشمایا قاییداجاییق"
روسیا پرزیدنتی ولادیمیر پوتین بوتون شرطلر یئرینه یئتیریلدیگی تقدیرده درحال قارا دنیز تاخیل دهلیزی سازیشینه قاییداجاقلارینی بیلدیریب.
روسیا پرزیدنتی ولادیمیر پوتین بوتون شرطلر یئرینه یئتیریلدیگی تقدیرده درحال قارا دنیز تاخیل دهلیزی سازیشینه قاییداجاقلارینی بیلدیریب.
پوتین پایتاخت مسکوادا حکومت رسمیلری ایله کئچیردیگی گؤروشده قارا دنیز تاخیل دهلیزی سازیشینی دیرلندیریب.
باتی اؤلکهلرینین "گستاخ" یاناشماسینا باخمایاراق روسیانین راضیلاشمانین مدتینی دفعهلرله اوزاتدیغینی بیلدیرن پوتین دئییب:
"بیز گؤزلییردیک کی، خاریجی همکارلاریمیز راضیلاشدیریلمیش و تصدیق ائدیلمیش شرطلره تام عمل ائتمهیه باشلایاجاقلار، لاکین بو باش وئرمهدی".
موقاویلهنین لغو ائدیلمهسینده باتی اؤلکهلرینین مسئولیت داشیدیغینی بیلدیرن پوتین روسیانین یوخسول اؤلکهلره پولسوز گوبره گؤندرمه چاباسینین دا باتی دؤولتلری طرفیندن مانع اولوندوغونو بیلدیرهرک، "موقاویله ایندیکی فورمادا معناسینی ایتیریب" دئییب.
"روسیانین موقاویلهنین داوام ائتدیریلمهسی اوچون موختلیف شرطلری وار. غذا و گوبره خیدمتلری گؤسترن روسیا بانکلاری و مالیه قوروملاری ایله روسیا تاخیل محصوللارینین اولوسلار آراسی بازارلارا داشینماسی و روسیایا قارشی تاریم آلت و آوادانلیقلارینین داشینماسینین قارشیسینداکی انگل لر گؤتورولمهلیدیر"، -دئیه پوتین وورغولاییب.
روسیا گمیلرینین سیغورتا مسئلهسینین ده حل ائدیلمهسی واجیبلیگینه ایشاره ائدن پوتین "سون اولاراق روسیانین راضیلاشمایا قاییتماسینین اساس شرطی سازیشین اینسانی ماهیتینین برپاسیدیر. اگر اوللر راضیلاشدیغیمیز بوتون بو شرطلر یئرینه یئتیریلرسه، بیز درحال بو راضیلاشمایا قاییداجاییق" دئییب.
ایلگیلیلی خبرلر
بایدن فرانسادا زلنسکی ایله گؤروشهجک
امریکا پرزیدنتی جو بایدن ژوئنین 7-ده فرانسادا اوکراینالی همکاری ولودیمیر زلنسکی ایله گؤروشهجک.