سالیواندان تورکیه‌یه اف-۱۶ ساتیشی قونوسوندا آچیقلاما
"بو قونودا دقیق بیر تاریخ وئره‌بیلمه‌م آنجاق کنگره عضولری ایله تماسداییق"
آمریکا بیرلشمیش دؤولتلری میللی گوونلیک مشاویری جیک سالیوان، تورکیه‌یه اف-۱۶ ساتیشی قونوسوندا آمریکا باشقانی جو بایدنین کنگره ایله موشاویره ائد‌رک بو سوره‌جی ایرلیلتمه‌یی پلانلادیغینی سؤیله‌دی.
سالیوان، ناتو لیدئرلر ذیروه‌سینین تشکیل ائدیلدیگی لیتوانینین باشکندی ویلنیوس‌دا وئردیگی آچیقلامادا، تورکیه‌نین سوئدین ناتویا قاتیلیمی ایله باغلی آددیمینی ممنونیتله قارشیلادیقلارینی دیله گتیره‌رک، سوئدی ناتونون یئنی عضوو اولاراق بیر آن اؤنجه گؤرمه‌یی ایسته‌دیکلرینی قید ائتدی.
سالیوان، سوئدین ناتو عضولوگونو تصدیقله‌مه‌سینین آردین‌دان تورکیه‌نین آمریکادان اف-۱۶ طلبینه جاوابلارینین نه اولاجاغی سوالی اوزرینه، بایدنین بو ساتیشی دستکلدیگینی اوزون زامان‌دیر دیله گتیردیگینی خاطیرلاتدی.
تورکیه‌یه اف-۱۶ ساتیشینین آمریکانین منفعتلری ایله ده اویغون اولدوغونو وورغولایان سالیوان،
"بایدن، کنگره ایله ده موشاویره ائد‌رک بو مدتی ایرلیلتمک ایسته‌ییر" ایفاده‌سینی ایشلتدی.
سالیوان، کنگره‌سین تورکیه‌یه اف-۱۶ ساتیشینی نه واخت تصدیقله‌یه‌جگینین سوروشولماسی اوزرینه ایسه،
"بو قونودا دقیق بیر تاریخ وئره‌بیلمه‌م آنجاق کنگره عضولری ایله تماسداییق" جاوابینی وئردی.
سالیوان، تورکیه‌نین سوئدین ناتو عضولوگونو تصدیقله‌مه‌سی دوروموندا آوروپا بیرلیگینه قبول ائدیلیب ائدیلمه‌یه‌جگی قونوسون‌داکی بیر پروبلئمین آردین‌دان ایسه تورکیه‌نین آوروپا بیرلیگی عضولوگونو دستکله‌دیکلرینی وورغولادی.
ناتونون ناتو، آوروپا بیرلیگینین ایسه آوروپا بیرلیگی اولدوغونو و آمریکانین آوروپا بیرلیگی عضوو اولمادیغینی ایفاده ائد‌ن سالیوان،
"(تورکیه‌نین آوروپا بیرلیگی عضولوگو و سوئدین ناتو عضولوگو) بو ایکی قونونون بیر بیری ایله باغلانتیلی اولدوغونو دوشونموروک" فیکیرینی پایلاشدی.
