چین-ده لئیسان یاغیش‌لار نتیجه‌سینده 15 نفر هلاک اولوب

چین-ین چونگ کینگ شهرینده لئیسان یاغیش‌لارین سبب اولدوغو داشقین‌لاردا 15 نفر حیاتینی ایتیریب، 4 نفر ایسه ایتکین دوشوب.

داشقین‌دان ان چوخ ضرر چکن وانژو بؤلگه‌سینه 2500-دن چوخ پرسنل یئرلشدیریلیب.

اون مین‌لرله اینسان ائولریندن تخلیه ائدیلرکن، گؤله چئوریلن کوچه‌لرده قاپا‌لی قالان‌لار قاییق‌لارلا قورتاریلیب.

سئل‌دن سونرا پالچیقلا اؤرتولموش بعضی اراضی‌لرده تمیزلیک ایشلرینه باشلانیلیب.

چین پرزیدنتی شی جین پینگ یئتکیلیلره ساکین‌لرین تهلوکه‌سیزلیگینی قوروماغا و ایتکی‌لری مینیموما ائندیرمه‌یه اوستونلوک وئرمه‌سی اوچون گؤستریش وئریب.

بو آرادا، سیچوان ایالتینده 460 میندن چوخ اینسان گوجلو یاغیش‌لاردان ضرر چکیب.

ایالت حکومتی‌نین معلوماتینا گؤره، ایندییه‌دک 85 میندن چوخ اینسان ائولریندن تخلیه ائدیلیب.