بایدن: "امریکا سوئد-ین ناتو-یا قبولونو دستکلییر"
امریکا پرزیدنتی جو بایدن آغ ائوده سوئد-ین باش ناظیری اولف کریسترسون ایله گوروشوب.
"امریکا سوئد-ین ناتو-یا قبولونو دستکلییر".
بونو امریکا پرزیدنتی جو بایدن آغ ائوده سوئد-ین باش ناظیری اولف کریسترسونو قبول ائدرکن دئییب.
سوئد-ین "باجاریقلی طرفداش" اولدوغونو دئین بایدن علاقهلرین داها دا اینکیشاف ائتدیریلمهسی اوچون چالیشدیقلارینی بیلدیریب.
گلن هفته کئچیریلهجک ناتو ذیروهسینی خاطیرلادان بایدن امریکانین سوئدین ناتو-یا عضولوگونو تام دستکلدیگینی وورغولاییب.
سوئد-ین ناتو اتفاقینی داها دا گوجلندیرجگینی قئید ائدن بایدن سوئد ناتو-یا عضو اولماسینی صبیرسیزلیکله گؤزلهدیکلرینی دئییب.
بایدن سوئد ایله ایقلیم بحرانی، آزاد و آچیق هیند-ساکیت اوقیانوسون قورونماسی، اوکراینایا وئریلن دستک کیمی مؤوضوع لاردا بیرلیکده حرکت ائتدیکلرینی ایفاده ائدیب.
کریسترسون بایدنه اؤلکهسینین ناتو عضولوگونه وئردیگی دستکهیه گؤره تشککور ائدیب و اؤلکهسینین ناتویا تحفه وئره بیلهجگینی دوشوندوکلرینی بیلدیریب.
سوئد و امریکانین بیر چوخ اورتاق دگرلری پایلاشدیغینی قئید ائدن کریسترسون اوکراینایا وئریلن دستکی ده خاطیرلادیب و بایدنه ترانس آتلانتیک بیرلیگه وئردیگی تحفهیه گؤره تشککور ائدیب.
قئید ائدک کی، ژوئنین 11-12-ده ویلنوسده کئچیریلهجک ایجلاسدان اول بو گون بروکسلده تورکیه، سوئد و فینلاندیا خاریجی ایشلر ناظیرلرینین ایشتیراکی ایله سوئد-ین ناتو-یا عضولوگو ایله باغلی یوکسک سویهلی توپلانتی کئچیریلهجک.