آمریکادا سلاحلی سالدیریلاردا ۱۵ نفر اؤلدو

آمریکا بیرلشمیش دؤولتلرین‌ده ۴ جولای موستقیللیک گونو قوتلامالاری هفته‌سینده فرق‌لی ایالتلرده میدانا گلن چوخ ساییدا سلاحلی سالدیری‌دا، ۱۵ نفر حیاتینی ایتیردی.
بالتیمور شهرینده ۲ جولایدا تشکیل ائدیله‌ن بیر پارتیده ائدیله‌ن سلاحلی سالدیری‌دا ۲ نفر اؤلدو، چوخو ۱۸ یاش آلتی ۲۸ نفر یارالاندی.
فیلادلفیا ایالتین‌ده ۳ جولای‌دا تشکیل ائدیله‌ن سلاحلی سالدیری‌دا ۵ نفر حیاتینی ایتیردی، ۲ و ۱۳ یاشلارین‌داکی ۲ اوشاق یارالاندی.
تگزاسین فورت ورث شهرینین گونئی باتیسندا‌کی کومو محله‌سین‌ده ۴ جولای‌دا بیر فستیوالین ایشتیراکچیلارینی هدف آلان سلاح‌لی سالدیری‌دا دا ۳ نفر اؤلدو، ۸ نفر یارالاندی.
فلورودا ایالتین‌ده عینی تاریخ‌ده تامپا کؤرفزین‌ده‌کی گئچیدده توپلانان ایکی قروپ آراسین‌دا یاشانان دارتیشما نتیجه‌سین‌ده ۷ یاشین‌داکی اوشاق سلاحلا اؤلدورولدو.
مریلندین استرن شور بؤلگه‌سین‌ده‌کی پارتیده دونن میدانا گلن سلاحلی سالدیریدا ۱۴ یاشین‌داکی بیر اوشاق حیاتینی ایتیردی، ۶ نفر ده یارالاندی.
لویزیانا ایالتینین شروپورت شهرین‌ده تشکیل ائدیله‌ن کوچه پارتیسین‌ده دونه‌ن میدانا گلن سلاح‌لی سالدیری‌دا ایسه ۳ نفر حیاتینی ایتیررکه‌ن، بیری آغیر ۱۰ نفر یارالاندی.