آوروپا بیرلیگیندن روسیا-یا قارشی یئنی تحریم لر

آوروپا بیرلیگینه عضو اؤلکه‌لر روسیایا قارشی 11-جی تحریم لر پاکتی ایله باغلی راضیلیغا گلیب‌لر.

آوروپا بیرلیگی-نین دؤوری صدری سوئد-ین رسمی سوسیال مئدیا حسابیندا سؤزوگئدن مؤوضوع ایله باغلی یازیلیب: "بو گون آوروپا بیرلیگی اؤلکه‌لری‌نین نوماینده‌لری روسیایا قارشی 11-جی تحریم لر پاکتی ایله باغلی راضیلیغا گلدی‌لر. پاکت تحریم لریندن یایینماغا و سیاهییا آلینا‌جاق شخص‌لره قارشی تدبیرلری احتیوا ائدیر."

آوروپا بیرلیگی کمیسیونونون صدری اورزولا در لاین دا مسئله ایله باغلی آچیقلاما وئره‌رک بیلدیریب: "من 11-جی تحریم لر پاکتیمیزله باغلی سیاسی راضیلاشمانی آلقیشلاییرام. تحریم لر علاوه صادرات محدودیت‌لری ایله روسیا پرزیدنتی ولادیمیر پوتین‌ین "دؤیوش ماشینی"نا داها بیر ضربه وورا‌جاق. رسمی مسکوایا دستک وئرن‌لر هدفده‌دیر. مؤوجود تحریم لرده‌کی بوشلوق‌لاری باغلایا‌راق روسیانین محدودلاشدیریجی تدبیرلر چرچیوه‌سینده محصول‌لارا چیخیشی‌نین قارشی‌سینی آلاجاغیق".

یئنی تحریم لر پاکتی بوتون تفرروات‌لاری هله‌لیک پایلاشیلماییب.

آوروپا بیرلیگی-نین روسیایا قارشی حاضیرلادیغی 11-جی تحریم پاکتی مؤوجود تحریم لرین پوزولماسی‌نین قارشی‌سی‌نین آلینماسی و تحریم لرده کی بوشلوق‌لارین دولدورولماسینا یؤنلیب.