آنتونیو گوترش: " اینسانی یاردیما محتاج اولان اینسانلارین سایی 360 میلیونا چاتیب"
دونیادا اینسانی یاردیما محتاج اولان اینسانلارین سایی 360 میلیونا چاتیب.
بیرلشمیش میللتلر تشکیلاتینین (بمت) باش کاتیبی آنتونیو گوترش دونیادا اینسانی یاردیما محتاج اولان اینسانلارین سایینین اؤتن ایل ایله موقاییسهده 30 فایز آرتاراق 360 میلیونا چاتدیغینی بیلدیریب.
آنتونیو گوترش بمت-نین اقتصادی و سوسیال شوراسیندا (ECOSOC) کئچیریلن ایجلاس دا چیخیش ائدیب.
مجبوری کؤچکونلرین سایینین 110 میلیونا چاتدیغینی قئید ائدن آنتونیو گوترش 260 میلیون اینسانین جدی ارزاق چاتیشمازلیغی و آجلیقلا اوزلشدیگینی وورغولاییب.
آنتونیو گوترش بونون اساس سببینین حل اولونمامیش موناقیشهلر و یئنی باشلایان محاربهلر اولدوغونو بیلدیریب.
بمت-نین باش کاتیبی دئییب: "کووید-19 پاندمیسی دؤورونده باشلایان و روسیانین اوکراینانی ایشغال ائتمهسی ایله داها دا درینلشن قلوبال اقتصادی پروبلئملر ان کؤورک بؤلگهلره منفی تأثیر ائدیر.
آنتونیو گوترش بیلدیریب کی، موناقیشه طرفلری اولوسلار آراسی حقوق نورمالارینی پوزاراق سیویل شخصلرین قبول ائدیلمز بدل اؤدمهلرینه سبب اولور.
"قلوبال اینسانی بحران دؤوروموزون ان جدی پروبلئملرینه قارشی بیرگه حرکت ائده بیلمهدیگیمیزین ثبوتودور"،-دئیه بیرلشمیش میللتلر تشکیلاتینین باش کاتیبی قئید ائدیب.
ایلگیلیلی خبرلر
هریس ایله مناظره تکلیفینه ترامپدان جاواب
کامالا هریس ایله مناظره لرین ایکینجی تورو کئچیرمک اوچون چوخ گئجدیر.