ترامپدان اؤلوم جزاسی اؤنریسی
دونالد ترامپ، اویوشدوروجو تیجارتیندن محکوم اولانلارا اؤلوم جزاسی وئریلمهسی لازیم اولدوغونو سؤیلهدی
آمریکا بیرلشمیش دؤولتلری اسکی باشقانی دونالد ترامپ، اویوشدوروجو تیجارتیندن محکوم اولانلارا اؤلوم جزاسی وئریلمهسی لازیم اولدوغونو سؤیلهدی.
بیر تلویزیون کانالینا وئردیگی مصاحبهده ترامپ، اؤلکهدهکی سوچ نیسبتلرینین آزالماسی اوچون اؤلوم جزاسی داخیل داها سرت تدبیرلرین گتیریلمهسی لازیم اولدوغونو ایفاده ائتدی.
پروگرام سونوجوسو برت بایرین، ۲۰۱۸-جی ایلده ترامپین عفو صلاحیتیندن ایستیفاده ائدرک یوللادیغی اویوشدوروجو تیجارتی محکومو آلیس جانسونا اشاره ائتمهسی و اونون دا اؤلوم جزاسینا محکئم ائدیلنلر آراسیندا اولاجاغینی خاطیرلاتماسی اوزرینه ایسه دونالد ترامپ، بئله بیر جزا قوهده اولسایدی جانسونون سوچ تؤرتمکدن قاچیناجاغینی ادعا ائتدی.
ترامپ، اویوشدوروجونو دوردورمانین تک یولونون، تیجارتینی ائدن شخصلره اؤلوم جزاسی وئریلمهسی اولدوغونو قید ائتدی.
اویوشدوروجو تیجارتی ائتمه و قارا/چیرکلی پول آغلاما/یوما سوچلاماسییلا ۱۹۹۶-جی ایلده حبسه آتیلان آلیس جانسون، ۲۰۱۸-جی ایلده ترامپین اؤزل عفو صلاحیتی ایله بوراخیلمیشدی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.