پورتوقالیا-دا هفته‌ده 4 گونلوک ایشه کئچدی

پورتوقالیا-‌داکی سولچو حکومت 100-ا قدر شیرکتده پیلوت اولا‌راق هفته‌ده 4 گونلوک چالیشما ساعاتی‌نین 5 ژوئن‌دن باشلادیغینی آچیقلادی.

اؤلکه‌نین امک، سوسیال ساوونما و دایانیشما ناظیری آنا مندس گودینیوسؤزوگئدن مؤوضوع ایله باغلی بیلدیریب: "ژوئن‌ین 5-دن قوه‌یه مینن فرمانا اساساً، امک حاقینا تأثیر ائتمه‌دن هفته‌لیک ایشین 4 گونه ائندیریلمه‌سی پراکتیکاسی ایشگؤتورن‌لر و ایسته‌ین ایشچی‌لر اوچون باشلادی.

پیلوت لاییحه‌ده ایشتیراک ائدن شیرکت‌لر هفته‌ده 4 گون ایشدن اول، چالیشما ساعات‌لاری و سونرا محصولدارلیق، ایشچی‌لرین احوال-روحیه‌سی و ثمره‌لی‌لیک کیمی مسئله‌لرله باغلی معلومات‌لاری راپور شکلینده ناظیرلیکله پای‌لاشا‌جاق".

خاطیرلاداق کی، آوروپادا یئنی نوع کوروناویروس (کووید-19) اپیدمی سیندن سونرا گوندمه گلن هفته‌ده 4 گونلوک ایش تکلیفینی حیاتا کئچیرن ایلک اؤلکه بلژیک-دیر (نوامبر، 2022). سونرا قوزیی آوروپا اؤلکه‌لری اولان سوئد و فینلاندیا بو تجروبنی سیناق‌دان کئچیردی. ایسپانیادا ایسه 2023-جو ایلین اولینده 41 صنایع شیرکتینده هفته‌ده 4 گون ایشلمک قرارینا گلینیب.