امریکا-دا ایکی هفته عرضینده 30-ا یاخین اوشاق ایتکین دوشدو

امریکانین کلیولند شهرینده 2023-جو ایلین می آیی‌نین ایلک ایکی هفته‌سینده 30-ا یاخین اوشاق ایتکین دوشوب.

نیوبرگ هایتس پولیس رئیسی جان ماجوی بیلدیریب کی، 2-16 می تاریخ‌لرینده شهرده 27 اوشاق ایتکین دوشوب.

کلیولند ایتکین تشکیلاتی (Cleveland Missing) ایداره هئیتی‌نین صدری وظیفه‌سینی ده ایجرا ائدن پولیس رئیسی اونو دا سؤیله‌ییب کی، اوشاق‌لارین ایتمه‌سی 2023-جو ایلده گؤرونمه‌میش سویه‌یه چاتیب.

وضعیتین ناراحات‌لیق دوغوردوغونو بیلدیرن جان ماجوی دئییب: "بیز بیلمیریک کی، بو اوشاق‌لارین باشینا نه گلیب؟ اونلار اینسان آلوئری‌نین، باند فعالیتی‌نین، یوخسا اویوشدوروجونون قوربانی اولوب‌لار".

قئید ائدک کی، آرتیق کلیولند و اوهایونون قوزیی ینده‌کی دیگر بؤلگه‌لرده آرتان ایتکین باغلی امریکا حقوق-محافظه خیدمتی "بیز سنی تاپاجاغیق" عملیاتینا باشلاییب.