ناتو عضولری اوکراینا و کوزوو-داکی وضعیتی موذاکیره ائدهجکلر
ناتو اؤلکهلرینین خاریجی ایشلر ناظیرلری اوکراینا و کوزوو-داکی وضعیتی موذاکیره ائدهجکلر.
اوکراینا و کوزوو-داکی وضعیت ناتو اؤلکهلرینین خاریجی ایشلر ناظیرلرینین اسلو-دا کئچیریلهجک ایکی گونلوک گؤروشونون اساس مؤوضوع لاری اولاجاق.
چرشنبه گونونده باشلایاجاق گؤروش غیری-رسمی کاراکتر داشیییر، اونا گؤره ده اونون پروقرامینین قالان حیسهسی رسمن اعلان ائدیلمهییب. لاکین بروکسل-دهکی دیپلوماتیک منبعلر و آوروپا مطبوعاتینین معلوماتینا گؤره، ایشتیراکچیلار، همچنین اتفاقین یولدا ویلنیوس-دا کئچیریلهجک ایجلاسینا حاضیرلیق و حربی خرجلرین آرتیریلماسی مسئلهلرینی موذاکیره ائدهجکلر.
" پولیتیکو" قزئتینین یازدیغینا گؤره، گؤروشده، حربی موناقیشه سببیندن اتفاقا داخیل اولا بیلمهین اوکراینایا ویلنیوس ایجلاسیندا نه وعد ائدیله بیلهجگی مسئلهسی ده دقتده اولاجاق.
گؤروش زامانی ناتو-نون اوکراینایا گلهجک حربی یاردیمی دا موذاکیره ائدیلهجک. 2022-جی ایلین فوریه آیینین سونوندان ایندیهدک بیرلیگین هئچ بیر ایجلاسی بو مؤوضوع موذاکیره اولونمادان کئچیریلمهییب.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.