بمت: 2022-جی ایلده قاچقین‌لارین سایی 100 میلیونا چاتیب
اؤتن ایل محاربه و سلاح‌لی موناقیشه‌لر سببیندن قاچقین‌لارین سایی 100 میلیونا چاتیب، 115 میلیون‌دان چوخ اینسان کسکین آجلیقلا اوزلشیب.
اؤتن ایل محاربه و سلاح‌لی موناقیشه‌لر سببیندن قاچقین‌لارین سایی 100 میلیونا چاتیب، 115 میلیون‌دان چوخ اینسان کسکین آجلیقلا اوزلشیب.
بمت-نین باش کاتیبی آنتونیو گوترش بو باره‌ده تهلوکه‌سیزلیک شوراسی‌نین سلاح‌لی موناقیشه زونا‌لاریندا سیویل اها‌لی‌نین مدافعه‌سینه حصر اولونموش ایجلاسیندا دئییب. اونون سؤزلرینه گؤره، دینج ساکین‌لره اینسانی یاردیم گؤسترن تشکیلات‌لار بعضا تهدید و مانعه‌لرله اوزلشیر.
آنتونیو گوترش محاربه و موناقیشه‌لرین ضروری محصول‌لارین قیمتی‌نین باهالاشماسینا، آجلیغا و دونیانین موختلیف بولگه لرینده ارزاق تهلوکه‌سیزلیگی ساحه‌سینده پروبلئم‌لره سبب اولدوغونو خاطیرلادیب. او، روسیانین اوکراینایا تجاووزونون بوتون دونیادا قیدا محصول‌لاری‌نین، انرژی‌نین و گوبره‌نین قیمتی‌نین قالخماسینی بونا ایانی مثال گؤستریب.
"اؤتن ایلین نوامبریندا اها‌لی‌نین مسکونلاشدیغی اراضی‌لرده پارتلاییجی تجهیزات لاردان ایستیفاده‌نین محدودلاشدیریلماسی و دینج ساکین‌لرین ساوونماسی ایله باغلی بیاننامه قبول ائدیلیب. من بوتون دؤولت‌لری بو بیاننامه‌یه قوشولماغا و اونو رئاللاشدیرماغا چاغیریرام"، - دئیه بمت-نین باش کاتیبی وورغولاییب.
آنتونیو گوترش بوتون دؤولت‌لری و موناقیشه طرف‌لرینی اولوسلار آراسی اینسانی حقوق چرچیوه‌سینده اؤز عهده لیک‌لرینی یئرینه یئتیرمه‌یه و دینج اهالینی، همچنین سیویل آلت یاپینی قوروماغا چاغیریب.
ایلگیلی‌لی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوه‌سینده همکاری وانگ یی ایله گؤروشوب.
