آمریکا: ایران ایله روسیا آراسیندا ایش بیرلیگی آرتدی
کربی، روسیا و ایران آراسینداکی اورتاقلیغین، اوکراینانین یانیندا اورتا دوغونون دا استقرارسیزلاشدیرماسینا سبب اولدوغو دگرلندیرمهسینی دیله گتیردی
آمریکا بیرلشمیش دؤولتلرینده آغ ائو، روسیا ایله ایران آراسیندا ساوونما ایش بیرلیکلرینین آرتدیغینی ادعا ائتدی.
آغ ائو میللی گوونلیک شوراسی استراتژیک ارتباط مسئولو جان کربی، آنلاین تشکیل ائدیلهن مطبوعات توپلانتیسیندا، "ایران، روسیانین ان بؤیوک عسگری دستکچیسی اولماغا داوام ائدیر" دئیهرک، ایرانین روسیایا کامیکازه اینسانسیز هاوا آراجلاری (ایها) تامین ائتمهیه داوام ائتدیگینی سؤیلهدی.
کربی، ایرانین آگوستدان بو یانا، باشدا "شاهد" تیپی اولماق اوزره روسیایا ۴۰۰دن چوخ ایها وئردیگینی ایفاده ائدرک موسکوانین، بو ایهالارین چوخونو اوکراینانین حساس آلت یاپیلارینی هدف آلماق اوچون ایستیفاده ائتدیگینی ایرلی سوردو.
کربی، ایران، "اورتا دوغودا آمریکا پرسنلینی هدف آلماق اوچون ده ایستیفاده ائدیلهن" بو علاوه و داها گلیشمیش ایهالاری موسکوایا ساتماغا داوام ائتسه روسیانین بونلاری اوکراینایا سالدیرماق اوچون ایستیفاده ائتمهیه داوام ائدجگینی ساووندو.
روسیانین ایسه ایرانا موشکلر، الکترونیک و هاوا ساوونما دستگی وئردیگینی سؤیلهیهن کربی، تهرانین موسکوادان میلیاردلارجا دلار دگرینده عسگری تجهیزات دستگی آلماق ایستهدیگینی قید ائتدی.
کربی، روسیا و ایران آراسینداکی اورتاقلیغین، اوکراینانین یانیندا اورتا دوغونون دا استقرارسیزلاشدیرماسینا سبب اولدوغو دگرلندیرمهسینی دیله گتیردی.
گلهجک گونلرده روسیا ایله ایران آراسیندا آرتان عسگری تیجارته قاریشانلارا ایستیقامتلی آددیملار آتاجاقلارینی کؤچورهن کربی، حکومتلر و تشکیلاتلارین دا ایرانین ایها پروگرامینین اورتایا قویدوغو ریسکلری داها یاخشی آنلامالارینا کؤمکچی اولماق اوچون موختلیف آددیملار آتاجاقلارینی دیله گتیردی.
ایلگیلیلی خبرلر
آنتونی بلینکن چین-لی همکاری وانگ یی ایله گؤروشوب
امریکانین خاریجی ایشلر ناظیری آنتونی بلینکن چینه رسمی سفری چرچیوهسینده همکاری وانگ یی ایله گؤروشوب.