راشد الغنوشی توتوقلاندی

تونس‌ده النهضه حرکتی لیدئری و اسکی مجلیس باشقانی راشد الغنوشی، ۴۸ ساعاتلیق گؤزآلتی مدتینین آردیندان توتوقلاندی.
۱۷ آوریل‌ده افطار واختیندا گوونلیک گوجلری طرفین‌دن ائوینه باسقین تشکیل ائدیلمه‌سینین آردین‌دان گؤزآلتینا آلینان غنوشی، ۴۸ ساعاتلیق ساوچیلیق سورغوسونون آردیندان گؤندریلدیگی تونس محکمه‌سی طرفین‌دن بو گون سحره قارشی توتوقلاندی.
النهضه حرکتینه منسوب وکیل حبیب بن سیدهم، سوسیال مئدیا حسابین‌دان وئردیگی آچیقلامادا، غنوشینین یانینداکی ۱۱ نفرین داها سوروشدورمادا یئر آلدیغینی و سوروشدورمانین "دؤولت گوونلیگینه قارشی سوء قصد" چرچیوه‌سینده اولدوغونو قید ائتدی.
غنوشینین یانیندا گؤزآلتینا آلینان النهضه حرکتی ایر‌لی گلنلرین‌دن محمد القومانی ایله بلقاسم حسن و دیگر ۶ النهضه حرکتی عضوونون عینی محکمه طرفین‌دن توتوقسوز یارغیلانمالارینا قرار وئریلدی.
غنوشینین نه ایله سوچلاندیغینا باغلی رسمی مقاملاردان هر هانسی بیر آچیقلاما وئریلمه‌دی.