ایسپانیا سودان-‌داکی سفیرلیگینی باغلاییب

ایسپانیا سودان-دا اوردو ایله چئویک رئاکسیا قوه‌لری آراسیندا آوریلین 15-ده باشلایان قارشیدورما‌لارا گؤره پایتاخت خارطوم-‌داکی سفیرلیگینی موقتی باغلادیغینی آچیقلاییب.

ایسپانیا خاریجی ایشلر ناظیرلیگیندن وئریلن یازیلی آچیقلامادا "مینیموم تهلوکه‌سیزلیک شرط‌لرینه عمل اولونا بیلمه‌دیگی اوچون ایسپانیانین خارطوم-‌داکی سفیرلیگی نؤوبتی خبردارلیغا قدر باغلی قالا‌جاق. چؤله چیخماق‌دان ایمتینا ائدین و ائوده قالین" دئییلیب.

خاطیرلاداق کی، آوریلین 16-دا سحر ساعات‌لاریندا سودانین پایتاختی خارطوم و موختلیف شهرلرده سودان اردوسو ایله خصوصی قوه لر آراسیندا سلاحلی توققوشما‌لار باش وئریب.

دونیا ساغلیق تشکیلاتی بؤلگه‌ده‌کی قارشیدورما‌لاردا ان آزی 83 نفرین اؤلدوگونو، 1126 نفرین یارالاندیغینی آچیقلاییب.