برزیلیا-دا گوجلو یاغیش‌لارین سبب اولدوغو داشقین‌لاردا 6 نفر اؤلوب

برزیلیانین قوزیی ینده لئیسان یاغیش‌لارین سبب اولدوغو داشقین‌لار نتیجه‌سینده 6 نفر حیاتینی ایتیریب، مین‌لرله اینسان ائوسیز قالیب.

مرانها ایالتی‌نین 64 شهرینده فوق العاده وضعیت اعلان ائدیلدیگینی قئید ائدن یئتکیلیلر، داشقین‌لار سببیندن 7700 عائله‌نین ائوسیز قالدیغینی، 35 میندن چوخ اینسانین تخلیه ائدیلدیگینی قئید ائدیب.

آختاریش- قورتارما ایشلری‌نین فاصیله‌سیز داوام ائتدیگی داشقین بؤلگه‌لرینده ایندییه‌دک 6 نفر حیاتینی ایتیریب.

طبیعی فلاکت بؤلگه‌سینده‌کی تریزیدلا دو واله شهرینی هاوا‌دان تدقیق ائدن پرزیدنت لوئیز ایناسیو لولا داسیلوا یئرلی حاکمیت اورقانلاریندان‌ معلومات آلیب.

لولا دا سیلوا داها سونرا سئل‌دن ان چوخ ضرر چکن باکابال محله‌سینه باش چکیب، وطنداش‌لارلا گؤروشوب.

قئید ائدک کی، ان سون برزیلیانین سائوپائولو ایالتینده لئیسان یاغیش‌لارین سبب اولدوغو داشقین و تورپاق سوروشمه‌لرینده 65 نفر اؤلوب، 2000-دن چوخ اینسان ائوسیز قالیب.