اکوادوردا تورپاق سوروشمه‌سی نتیجه‌سینده 71 نفر ایتکین دوشوب

اکوادورون مرکزینده‌کی آلوسی شهرینده باش وئرن سوروشمه نتیجه‌سینده ایتکین دوشن‌لرین سایی 71 نفره چاتیب.

بو باره‌ده اؤلکه‌نین فوق العاده حال‌لار ایداره‌سی معلومات یاییب.

یئنی‌لنمیش معلوماتا گؤره، 8 نفرین اؤلومو تصدیقلنیب: "30 نفر یارالانیب، 71 نفر ایتکین دوشوب، 32 نفر خلاص ائدیلیب"، - ایداره‌نین توییترده‌کی صحیفه‌سینده یاییلان راپوردا دئییلیر.

مارسین 27-نه کئچن گئجه باش وئرن طبیعی فلاکت زوناسیندا 500 نفر اولوب. اولوسلار آراسی قیرمیزی خاچ کومیته‌سی (صلیب سرخ) 163 ائوین داغیلدیغینی و یا ضرر گؤردوگونو بیلدیریب.

حادثه یئرینده آختاریش-قورتارما ایشلری داوام ائدیر.