۲۹ کؤچمنین جسدی تاپیلدی
جانسیز بدنی تاپیلان شخصلرین هامیسینین صحرا آلتی آفریقا اؤلکهلریندن گلنلر اولدوغو ایفاده ائدیلدی
تونسدن ایتالیایا دوغرو یولا چیخدیقلاری گمیلرین باتماسی سببی ایله حیاتینی ایتیرهن ۲۹ آفریقالی کؤچمنین جسدی تاپیلدی.
میللی گۆونلیک گۆجلری سؤزچوسو حسامالدین الجبابلی، بو قونو ایله باغلی یازیلی آچیقلاما یاییملادی.
جبابلی، مهدیهدهکی دنیز گۆجلرینه باغلی قروپلارین، ۲۵ مارس گئجهسی، ایتالیایا یاسادیشی کؤچ گئرچکلشدیرن و گمیلرینین باتماسی نتیجهسینده حیاتینی ایتیرهن ۸ نفرین جسدینی تاپدیغینی، ۱۱ نفری ده قورتاردیغینی بیلدیردی.
تونس ساحللرینین ۳۶ میل اوزاغیندا بیر بالیقچی گمیسینین ده ۱۹ کؤچمنین جسدینی تاپدیغینی ایفاده ائدن جبابلی، بونون یانیندا ایکی بالیقچی گمیسینین ده ایکی کؤچمنین جسدینی تاپدیغینی بیلدیردی.
گمیلرین هانسی تاریخده باتدیغینا دایر بیلگی وئرمهیهن جبابلی، جانسیز بدنی تاپیلان سؤزو گئدن شخصلرین هامیسینین صحرا آلتی آفریقا اؤلکهلریندن گلنلر اولدوغونو ایفاده ائتدی.
ایلگیلیلی خبرلر
لندنده قیلینجلی سالدیری
الی قیلینجلی شخص، ایکیسی پلیس مأمورو اولماق اوزره ۵ نفری قیلینجییلا یارالادی