جو بایدن بنیامین نتانیاهو ایله تلفونلا دانیشیب

امریکانین خاریجی ایشلر ناظیری امریکانین پرزیدنتی جو بایدن فیلیسطین و ایسراییل آراسیندا موناقیشه‌لری آزالتماق اوچون میصرین شرم الشیخ شهرینده ایسراییل، فیلیسطین، میصر، اوردون و امریکا رسمی‌لری آراسیندا کئچیریلن گؤروشو آلقیشلاییب.

آغ ائودن وئریلن معلوماتا گؤره، جو بایدن ایسراییلین باش ناظیری بنیامین نتانیاهو ایله تلفونلا دانیشیب.

معلوماتا گؤره، بایدن طرف‌لرین عاجیل امکداش‌لیق ائده‌رک تهلوکه‌سیزلیک کووردیناسیونو آرتیرماق، بوتون هوجوم‌لاری پیسلمک و ایکی دؤولت‌لی حلین داوام‌لی‌لیغینی تامین ائتمه‌لری‌نین واجیب‌لیگینی وورغولاییب.

بایدن نتانیاهویا دموکراتیک دگرلرین امریکا-ایسراییل موناسیبت‌لری‌نین مهم اساسی اولدوغونو و دموکراتیک جمعیت‌لرین رئال تارازلیق و نظارتله گوجلندیگینی و گئنیش اساس‌لی خالق دستکی ایله اساس‌لی دییشیک‌لیک‌لرین ائدیلمه‌سی‌نین واجیب‌لیگینی ده دیله گتیریب.

بایدن همچنین بو اساس پرینسیپ‌لره اویغون اولا‌راق ایسراییلده تکلیف اولونان محکمه اصلاحات‌لاری ایله باغلی اوزلاشییا نایل اولماق سعی‌لرینی دستکلدیگینی ده بیلدیریب.

بایدن ایسراییلین تهلوکه‌سیزلیگینه و ایران‌دان گلن بوتون تهدیدلره قارشی میللی تهلوکه‌سیزلیک قروپ‌لاری آراسیندا امکداشلیغا صادق‌لیگینی بیر داها تکرارلاییب. ایکی لیدر همچنین نؤوبتی هفته‌لرده متمادی اولا‌راق علاقه ساخلاماق باره‌ده راضیلیغا گلیب‌لر.

قئید ائدک کی، میصر، فیلیسطین، ایسراییل، اوردون و امریکانین یوکسک سویه‌لی سیاسی و تهلوکه‌سیزلیک رسمی‌لری شرم الشیخ شهرینده گؤروشوب‌لر.

ایسراییل-فیلیسطین گرگین‌لیگینی آزالتماق اوچون تشکیل ائدیلن تهلوکه‌سیزلیک ایجلاسیندا فیلیسطین تورپاق‌لاریندا باریشین قورونماسی‌نین ضروری‌لیگی وورغولانیب.