آمریکادان وطنداشلارینا تگزاسا سفر اویاریسی

آمریکا بیرلشمیش دؤولتلرینین تگزاس ایالتینده مسئوللار، آمریکا بیرلشمیش دؤولتلری وطنداشلارینا گوونلیک سببی ایله باهار تعطیلین‌ده مکزیکه سیاحت ائتمه‌مه‌لری اویاریسینی ائتدی.

تگزاس توپلوم گوونلیگی بؤلومو، اویوشدورجو کارتللری قایناقلی شدت حادثه‌لرینین مکزیکه گئچه‌ن هر کس اوچون اؤنملی بیر تهدید میدانا گتیردیگینی آچیقلادی.

تگزاس توپلوم گوونلیگی بؤلومو، یؤنه‌تیچیسی استیون مک کراو، بو اؤلکه‌ده‌کی حادثه‌لره و کارتللرین فعالیتلرینه دقت چکه‌رک "اینسانلاری بو دؤورده مکزیکه سیاحت‌ ائتمه‌مه‌یه چاغیریریق" ایفاده‌سینی ایشلتدی.

سؤز قونوسو اویاریسی، گئچه‌ن هفته سرحدی گئچدیکدن قیسا بیر مدت سونرا ۴ آمریکا بیرلشمیش دؤولتلری وطنداشینین قاچیریلماسینین آردیندان گلدی. بو شخصلردن ۲سی اؤلدورولموش، ۲سی ایسه یارا آلمادان سربست قالمیشدی.

بیر بازاردا پالتار ساتماق اوچون مکزیکه گئدن ۳ آمریکا بیرلشمیش دؤولتلری وطنداشی قادینین دا ۲ هفته‌نی آشان مدتدیر ایتکین اولدوغو بیلینیر.