آنتونیو گوترش گورجوستان‌-داکی طرف‌لره چاغیریش ائدیب

بمت-نین باش کاتیبی آنتونیو گوترش گورجوستان‌داکی بوتون طرف‌لری اؤلکه‌ده گرگین‌لیگی آرتیران حرکت‌لردن چکینمه‌یه چاغیریب.

بونونلا باغلی آچیقلامانی بمت باش کاتیبی‌نین نوماینده‌سی‌نین معاوینی فرحان حق وئریب.

فرحان حق "باش کاتیب گورجوستان‌داکی وضعیتی ایزلییر، او، هامینی گرگینلیگین آرتماسینا سبب اولا بیله‌جک هر هانسی حرکت‌دن چکینمه‌یه چاغیریر" دئییب.

بیلدیریلیب کی، بمت باش کاتیبی ایفاده آزادلیغی‌نین، مدیانین مانعه‌سیز فعالیتی‌نین، وطنداش جمعیتی‌نین ایشی‌نین و اینسان‌لارین دینج اعتراض آکسیا‌لاری کئچیرمک حقوقونون تامین ائدیلمه‌سی‌نین واجیب‌لیگینی دیله گتیریب.