مکرونون قورومالاری قادین اعتیراضچینی ساچیندان توتاراق یئرده سۆرودو
مکرونا ایقلیم دییشیکلیگی و امکلیلیک پلانی اوچون اعتراض ائتمک ایستهیهن بیر اعتراضچی، جمهورباشقانینین اؤنونه آتیلدی
فرانسا جمهورباشقانی امانوئل مکرونون قاتیلدیغی اولوسلارآراسی اکینچیلیک سرگیسینده بیر قاتیلیمچی طرفیندن ائدیلن اعتراض اۆزرینه قالماقال یاشاندی. مکرونون قورومالاری، قادین اعتیراضچینی ساچیندان توتاراق یئرده سۆرودو.
امانوئل مکرون سیراغا گون اولوسلارآراسی اکینچیلیک سرگیسین قاتیلدی. سرگیده "چوخ چوخ چالیشان اکینچیلریمیزی دستکلهمک اوچون بورادایام" دئیهن مکرونا ایقلیم دییشیکلیگی و امکلیلیک پلانی اوچون اعتراض ائتمک ایستهیهن بیر اعتراضچی، جمهورباشقانینین اؤنونه آتیلدی.
مکرونون قورومالارینین ایسه قادین اعتراضچییا موداخیلهسی سرت اولدو. اعتراضچی، قورومالار طرفیندن ساچیندان چکیلهرک سۆروکلندی و ساحهدن اوزاقلاشدیریلدی.
فرانسادا بیر مدتدیر اعتراض ائدیلهن دارتیشمالی قانونا گؤره، سپتامبر آییندان اعتباراً امکلیلیک یاشی هر ایل مرحلهلی اولاراق آرتیریلاراق ۲۰۲۷ده ۶۳ ایل ۳ آیا، ۲۰۳۰دا ایسه ۶۴ ایله چاتاجاق.
اؤلکهده امکلی اولابیلمک اوچون ۲۰۲۷دن اعتباراً ۴۳ ایل چالیشمیش اولماق لازیم اولاجاق. فرانسادا ۶۲ اولان امکلیلیک یاشی، باتی آوروپاداکی دیگر بیر چوخ اؤلکهدن داها آشاغیدیر. امکلیلیک یاشی ایسپانیادا ۶۵ و اینگیلترهده ۶۶ اولارکن، ایتالیا و آلمانیا ۶۷ یاشا یوکسلتمهیی پلانلاییر.
ایلگیلیلی خبرلر
فرانسهدا دمیریول ایشچیلری اعتصابه چیخیبلار
فرانسهنین ایل-دو-فرانس بؤلگهسینده خیدمت ائدن دمیریول ایشچیلری اعتصابه چیخیبلار.