بیرلشمیش میللتلر زلزله ییخیمینین قالدیریلماسینا دستک وئره‌جک
ییخیمدان اورتایا چیخانلارین قالدیریلیب بیر یئره تؤکولمه‌سی یئرینه ییخیمین احتیوا ائتدیگی خام ماده‌لرین گئری دؤنوشدورلمه‌سینین ساغلانماسینین پلانلاندیغی قید ائدیلدی
بیرلشمیش میللتلر قالخینما پروگرامی، ۶ فوریه‌ده میدانا گلن، "عصرین فلاکتی" اولاراق آدلاندیریلان و ۱۱ ابؤلگه‌نی ائتکیله‌ین قهرمان ماراش مرکزلی زلزله‌لر سببی ایله اورتایا چیخان ییخیمین قالدیریلماسی ایشلرینه دستک اولاجاق.
پروگرام‌دان وئریله‌ن آچیقلامادا، بیرلشمیش میللتلر تشکیلاتینین ۱۶ فئوریه‌ده بیلدیردیگی تورکیه اوچون ۱ میلیارد دلارلیق "عاجیل کؤمک چاغریسینین" بیر پارچاسی اولاراق ایسته‌نه‌ن ۱۱۳،۵ میلیون دلارلیق یاردیمین بؤیوک قیسیمینین، ییخیم قالدیرما فعالیتلری اوچون ایستیفاده ائدیله‌جگی ایفاده ائدیلدی.
بیرلشمیش میللتلر قالخینما پروگرامینین، حکومتین فعالیتلرینی دستکله‌مک اوزره چئوره دوستو ییخیم یؤنه‌تیمی یاناشیمینی اویقولاماغی هدفله‌دیگی بیلدیریلن آچیقلامادا، ییخیمدان اورتایا چیخانلارین قالدیریلیب بیر یئره تؤکولمه‌سی یئرینه ییخیمین احتیوا ائتدیگی خام ماده‌لرین گئری دؤنوشدورلمه‌سینین ساغلانماسینین پلانلاندیغی قید ائدیلدی.
آچیقلامادا، بیرلشمیش میللتلر قالخینما پروگرامینین عینی زامان‌دا ییخیمین قالدیریلماسی و ایشله‌نمه‌سی اوچون بؤلگه ساکینلرینین استخدامییلا گئچیم قایناقلاری یاراتماغا دا چالیشاجاغی ایفاده ائدیلدی.
بیرلشمیش میللتلر قالخینما پروگرامی، تورکیه مقیم نماینده‌سی لوییزا وینتون، تخمینی ییخیم ساحه‌سینین بؤیوکلوگونون آمریکا بیرلشمیش دؤولتلرینین نیویورک شهرینده‌کی ۵۹ مربع کیلومتر ساحه‌سی اولان منهتن آداسین‌دان داها چوخ اولدوغونو ایفاده ائتدی.
ایلگیلی‌لی خبرلر
روسیه خارکوف ویلایتینده راکت هوجومو حیاتا کئچیریب
روسیه‌نین اوکراینین خارکوف ویلایتینده حیاتا کئچیردیگی راکت هوجوموندا 10 نفر اؤلوب
