بایدن روسیا ایله باغلی دانیشدی
"بوندان، (ولادیمیر پوتینین) نۆوه سلاح و یا بونا بنزر بیر شئی ایستیفاده ائتمه‌نی دۆشوندویو نتیجه‌سینی چیخارمیرام"
آمریکا بیرلشمیش دؤولتلری باشقانی جو بایدن، روسیانین یئنی استراتژیک سلاحلارین آزالدیلماسی آندلاشماسینی (استارت) آسقییا آلماسیندان، نۆوه سلاح قوللانماغی دۆشوندوکلری چیخاریمینی ائتمه‌دیگینی سؤیله‌دی.
ای‌بی‌سی نیوز تئلویزیونونا وئردیگی مصاجیبه‌ده جو بایدن، روسیانین یئنی استارتی آسقییا آلماسییلا باغلی دانیشدی.
بو قرارین "بؤیوک بیر یانلیش" اولدوغونو و سوروملو بیر داورانیش اولمادیغینی قید ائدن بایدن،
"آنجاق بوندان، (روسیا دؤولت باشقانی ولادیمیر پوتینین) نۆوه سلاح و یا بونا بنزر بیر شئی ایستیفاده ائتمه‌نی دۆشوندویو نتیجه‌سینی چیخارمیرام" دئدی.
بایدن، بو پروبلئمی حل ائده‌بیله‌جکلریندن آرخایین اولدوغونو ایفاده ائد‌رک، سلاحلارین دکنترلو آنلاشمالارینین هر ایکی طرفین و دونیانین دا چیخارینا اولدوغونو سؤیله‌دی.
روسیانین بو قونوداکی توتوموندا بیر دییشیکلیک اولدوغونا باغلی علامت اولمادیغینی دیله گتیره‌ن جو بایدن،
"بونون، بیر شکیلده یئنی نۆوه سلاحلار، اولوسلارآراسی قاره‌لر آراسی بالیستیک موشکلر ایستیفاده ائتمه‌نی دۆشوندوکلری معناسینی وئردیگی فیکیرینی دستکله‌یه‌ن هئچ بیر دلیل یوخ" ایفاده‌سینی ایشلتدی.
