آمریکادا اوچاق دۆشدو
پلیس، دۆشه‌ن اوچاقدا‌کی ۵ نفردن حیاتدا قالان اولمادیغینی سؤیله‌دی
آمریکا بیرلشمیش دؤولتلرینین آرکانزاس ایالتینده هاوالاندیقدان قیسا مدت سونرا دۆشه‌ن کیچیک اوچاقدا‌کی ۵ نفر حیاتینی ایتیردی.
مئدیا قورولوشو سی‌بی‌اس نیوز خبرینه گؤره، فدرال هاواچیلیق ایداره‌سی، دۆنن گۆن اورتا ساعاتلارین‌دا لیتل راک‌داکی بیل و هیلاری کلینتون اولوسال هاوا آلانیندان قالخان ایکی موتورلو "بیچ بی‌ای۲۰" تیپی اوچاغین قیسا مدت سونرا دۆشدوگونو بیلدیردی.
پلیس، اوهایوداکی جان گلن کولومبوس اولوسلارآراسی هاوالیمانینا گئدرکه‌ن دۆشه‌ن اوچاقدا‌کی ۵ نفردن حیاتدا قالان اولمادیغینی سؤیله‌دی.
چئوره موشاویرلیگی شیرکتی سی‌تی‌ای‌اچ‌دن سی‌بی‌اس نیوزا وئریله‌ن آچیقلامادا، پیلوت داخیل اوچاقدا‌کی ۵ نفرین ده سی‌تی‌ای‌اچ شیرکتینین لیتل راک اوفیسی چالیشانلاری اولدوغو ایفاده ائدیلدی.
اوچاغین دۆشمه سببی آراشدیریلیر.
ایلگیلی‌لی خبرلر
کالیفورنیا ایالتینده اوچاق قضاسی
تک محریکلی اوچاق کالیفورنیانین قوزئیینده داغلیق اراضیده قضایا اوغراییب
