برزیلیادا لئیسان یاغیش‌لاری نتیجه‌سینده اؤلن‌لرین سایی 40 نفره چاتیب
برزیلیانین سائوپائولو ایالتی‌نین قوزیی ساحل‌لرینده یاغان گوجلو یاغیش‌لار نتیجه‌سینده اؤلن‌لرین سایی 40نفره چاتیب.
برزیلیانین سائوپائولو ایالتینده لئیسان یاغیش‌لارین سبب اولدوغو سئل و تورپاق سوروشمه‌لرینده 40 نفر حیاتینی ایتیریب.
سائوپائولو والیسی تارسیزیو گومز دی فریتاس بیلدیریب کی، گوجلو یاغیش‌لار نتیجه‌سینده اوباتوبا، سائو سباستیائو، ایلهابلا، کاراگواتاتوبا و برتیوگا ایالت‌لرینده فلاکت وضعیت رژیمی اعلان ائدیلیب.
فریتاس سئل و تورپاق سوروشمه‌لرینده 40 نفرین حیاتینی ایتیردیگینی، 228 نفرین تخلیه ائدیلدیگینی، 338 نفرین ایسه ائوسیز قالدیغینی بیلدیریب.
آختاریش-قورتارما موباریزه‌سینه دستک اوچون بؤلگه‌یه سلاحلی قوه‌لرین ایکی هلیکوپتری‌نین گؤندریلدیگینی وورغولایان فریتاس اینسانی یاردیم اوچون 7 طیاره‌نین حاضیرلاندیغینی دیله گتیریب.
برزیلیا پرزیدنتی لوئیز ایناسیو لولا داسیلوا توییتر حسابیندان ائتدیگی پای‌لاشیمدا طبیعی فلاکت بؤلگه‌سینی زیارت ائدجگینی بیلدیریب: "دؤولتین بوتون بؤلمه‌لری ایله بیر آرایا گله‌جک و یارا‌لی‌لارا اجتماعی هم رای‌لیکله باخاجاغیق. بؤلگه‌ده یول‌لار، انرژی و ایله تیشیم علاقه‌لری یوخ‌دور و برپا اولونور".
گوجلو یاغیش‌لار نتیجه‌سینده یول‌لارا، الکتریک خط‌لرینه، خبرلشمه و یولجو نقلیاتینا خیلی زیان دیدیگی پایلاشیلیب.
میللی متورولوژی اینستیتوتون‌دان وئریلن آچیقلامادا فوریه آیی عرضینده ایالتده گؤزلنیلن یاغینتی‌نین سون 24 ساعات عرضینده دوشدوگو و دیمیش ضیانین بؤیوک اولدوغو بیلدیریلیب.
طبیعی فلاکت‌دن اذیت چکن 5 بلدیه‌ده فوق العاده وضعیت اعلان ائدیلیب.
بی بی سی-نین خبرینده بیر چوخ شهرلرده کارناوال شن‌لیک‌لری‌نین لغو ائدیلدیگی و اونلارلا اینسانین ایتکین دوشدوگو قئید ائدیلیب.
